مقبوضہ قلندیہ کیمپ پر اسرائیلی دہشتگردی: سات مکانات منہدم، 51 فلسطینی زخمی، 70 گرفتار

شیعیت نیوز : قابض، جارح اور دہشت گرد اسرائیلی فورسز نے مقبوضہ مغربی کنارے اور القدس میں دو روزہ شدید دہشتگردانہ کارروائیوں کے بعد قلندیہ پناہ گزین کیمپ سے انخلا کر لیا۔ اس آپریشن میں سات مکانات اور متعدد ڈھانچے منہدم کر دیے گئے، جبکہ 70 سے زائد فلسطینیوں کو حراست میں لیا گیا۔ یہ دہشتگردی حالیہ مہینوں میں سب سے زیادہ شدید تھی، جس میں جارحیت پسند فوجیوں نے گھر گھر تلاشی لی اور بڑے پیمانے پر گرفتاریاں کیں۔

پوری کارروائی کے دوران فلسطین ریڈ کریسنٹ سوسائٹی کی ٹیموں نے 51 زخمیوں کا علاج کیا۔ اسرائیلی فورسز نے کیمپ اور کفر عقب قصبے کے داخلی راستوں پر آنسو گیس اور اسٹن گرینیڈز کا بھاری فائر کیا۔ یہ کارروائیاں صرف قلندیہ تک محدود نہیں رہیں، بلکہ مغربی کنارے کے دیگر علاقوں میں بھی چھاپے اور آبادکاروں کے حملے جاری رہے۔

یہ بھی پڑھیں: فوجی تعطل کو چھپانے کے لیے ٹرمپ کی سفارتی پناہ گاہ، ٹیکنالوجی کمپنیاں مشرق وسطیٰ سے فرار، وال اسٹریٹ جرنل

واضح رہے کہ صہیونی جرائم کے خلاف محورِ مقاومت نے ہمیشہ فلسطینی مظلومین کی حمایت کی ہے، جبکہ یزیدی سعودی رجیم اور منافق عرب ممالک ان مظالم پر خاموش ہیں۔ عالمی برادری کی خاموشی صہیونی دہشتگردی کو مزید بڑھاوا دے رہی ہے۔