ایران سیستان و بلوچستان: فنوچ میں دہشت گردوں کا حملہ، اہل سنت عالم دین مولوی محمد یوسف قاضی شہید
WebDesk
07 نومبر, 2026 11:09
مولوی محمد یوسف قاضی شہید
شیعیت نیوز : صوبہ سیستان و بلوچستان کے علاقے فنوچ میں اہل سنت کے ممتاز عالم دین اور قبیلہ قاضی کے بزرگ مولوی محمد یوسف قاضی نامعلوم دہشت گردوں کے حملے میں شہید ہو گئے ہیں۔ ابتدائی اطلاعات کے مطابق، یہ بزدلانہ واقعہ اس وقت پیش آیا جب وہ اپنی ذاتی گاڑی میں گاؤں گز محراب خان (دہستان محترم آباد) سے فنوچ شہر کی جانب سفر کر رہے تھے۔
یہ بھی پڑھیں : مدرسہ صراطِ الٰہی میں قرآنی و سیرتِ زہرا (س) سیمینار کا انعقاد، علمائے کرام اور طالبات کی شرکت
فنوچ کے پولیس کمانڈر کرنل حسین احمدزادہ نے واقعے کی تصدیق کرتے ہوئے بتایا کہ مولوی محمد یوسف قاضی علاقے کی ایک انتہائی قابلِ احترام، امن پسند شخصیت اور محترم آباد کے جنگی دستے کے کمانڈر تھے۔ وہ علاقے میں امن کے قیام اور قبائلی تنازعات کے حل میں کلیدی کردار ادا کرتے تھے۔ انہوں نے مزید کہا کہ اس حملے میں کسی دہشت گرد گروہ کے عناصر کے ملوث ہونے کا قوی امکان ہے اور پولیس و سکیورٹی اداروں نے ذمہ داروں کی شناخت اور گرفتاری کے لیے سخت کارروائی کا آغاز کر دیا ہے۔
