ایرانی پارلیمنٹ کے اسپیکر قالیباف: امریکہ مفاہمتی یادداشت کی خلاف ورزی کرے گا تو قیمت چکانا پڑے گی

شیعیت نیوز : ایرانی پارلیمنٹ کے اسپیکر محمد باقر قالیباف نے امریکہ کو خبردار کیا ہے کہ وہ اپنے وعدوں کی پاسداری کرے ورنہ مفاہمتی یادداشت کی خلاف ورزی کی قیمت چکانا پڑے گی۔

یہ بھی پڑھیں : سپاہ پاسداران انقلاب کا امریکہ کے خلاف جوابی حملہ: اردن، کویت، بحرین اور عمان میں امریکی اڈوں پر میزائل اور ڈرون حملے

قالیباف نے اتوار کے روز X پر ایک پوسٹ میں یہ بیان دیا، جب دہشت گرد امریکی فوج نے اس ہفتے ایران پر تیسری بار فضائی حملے کیے، جو پاکستان کی ثالثی میں طے پانے والے مفاہمتی یادداشت (MoU) کی کھلی خلاف ورزی تھی۔

انہوں نے مفاہمتی یادداشت کی شق نمبر 5 کا حوالہ دیتے ہوئے کہا کہ آبنائے ہرمز کو دوبارہ کھولنے اور انتظامات کا ذمہ دار صرف ایران ہے۔

"ایک طرفہ معاہدوں کا دور ختم ہو چکا ہے۔ ہم نے آپ سے کہا تھا: اپنا وعدہ نبھاؤ یا قیمت چکا۔ حقیقت دروازہ پر دستک دے رہی ہے،” ایرانی مذاکراتی وفد کے سربراہ نے کہا۔

تازہ ترین امریکی حملوں کے جواب میں ایران کی مسلح افواج نے اردن، کویت اور بحرین میں امریکی فوجی اڈوں پر میزائل اور ڈرون حملے کیے۔

اس سے قبل سپاہ پاسداران انقلاب نے آبنائے ہرمز کو "مزید نوٹس تک” بند کرنے کا اعلان کیا تھا۔