تہران میں عوام کا منڈلاتا سمندر، لبیک یا سید مجتبی کے نعرے

شیعیت نیوز : ایران کا سیاسی نظام ولایتِ فقیہ کے مضبوط اصول پر استوار ہے، جہاں رہبری محض ایک انتظامی منصب نہیں بلکہ امت اور قیادت کے درمیان عقیدت، اعتماد اور وفاداری کے گہرے تعلق کی علامت ہے۔ یہی نظام گزشتہ کئی دہائیوں سے داخلی و خارجی چیلنجز کے باوجود ملک کے استحکام اور استقلال کا ضامن رہا ہے۔

رہبرِ شہید کی الوداعی تقریب میں لاکھوں افراد کی موجودگی اور "لبیک یا سید مجتبی” کے فلک شگاف نعروں نے ایک بار پھر اس عوامی وابستگی کا بھرپور اظہار کیا۔ یہ منظر اس حقیقت کی عکاسی کرتا ہے کہ عوام اور ولایت کے درمیان موجود رشتہ کسی دباؤ، پابندی یا سازش سے کمزور نہیں کیا جا سکتا، کیونکہ اس کی جڑیں دینی عقائد اور انقلابی اقدار میں پیوست ہیں۔

یہ بھی پڑھیں : قالیباف کا یوسف رضا گیلانی سے ملاقات میں پاکستان کو شکریہ، رمضان جنگ میں ساتھ دینے پر اظہارِ تشکر

اسی مضبوط وابستگی نے ایران کو نہ صرف اپنے قومی وقار اور خودمختاری کے تحفظ کی قوت بخشی ہے بلکہ دنیا بھر کے مظلوم اور حق طلب عوام کے لیے بھی امید کا مرکز بنا دیا ہے۔ یہی اجتماعی ایمان اور استقامت استکباری قوتوں کے عزائم کی راہ میں سب سے بڑی رکاوٹ ہے اور ان کے منصوبوں کو بارہا ناکام بناتی رہی ہے۔

یہی وجہ ہے کہ ایران آج بھی آزادی، انصاف اور مزاحمت کی عالمی تحریکوں کے لیے ایک مؤثر اور حوصلہ افزا نمونہ سمجھا جاتا ہے۔