تہران میں شہید رہبر معظم کی الوداعی تقریب شروع، لاکھوں عزاداروں کا تاریخی سیلاب امڈ آیا

شیعیت نیوز : ایران کے شہید رہبر معظم آیت اللہ سید علی خامنہ ای کی الوداعی تقریب تہران کی بڑی مسجد امام خمینی میں شروع ہو گئی ہے جہاں لاکھوں عزاداروں کا تاریخی ہجوم امڈ آیا ہے۔

یہ تقریب ہفتے کی صبح سے شروع ہوئی اور اتوار تک جاری رہے گی۔ پیر کو تہران میں مرکزی جنازے کا جلوس نکالا جائے گا۔ منگل کو قم اور جمعرات کو مشہد میں تعزیتی تقریبات ہوں گی جہاں شہید رہبر کو حرمِ امام رضا علیہ السلام میں سپردِ خاک کیا جائے گا۔ بدھ کو نجفِ اشرف اور کربلائے معلی میں بھی خصوصی تقریبات منعقد ہوں گی۔

جمعے کو تہران میں دنیا بھر کے سربراہانِ مملکت، معززین اور مذہبی رہنماؤں نے شہید رہبر کو سرکاری خراجِ عقیدت پیش کیا۔

یہ بھی پڑھیں: شہید امام خامنہ ای کی تشییع عالمی میڈیا کی توجہ کا مرکز، غیر ملکی ذرائع ابلاغ میں وسیع کوریج

عوام کے اس تاریخی اجتماع کو شہید رہبر کی آخری الوداع کے ساتھ ساتھ انقلابِ اسلامی کے اہداف، اسلام اور شہداء سے وفا کی تجدید قرار دیا جا رہا ہے جو قوم کے عزت، آزادی اور مزاحمت سے وابستگی کی علامت ہے۔

واضح رہے کہ شہید رہبر معظم 28 فروری کو امریکی اسرائیلی جارحیت میں شہید ہوئے تھے جس کے جواب میں ایران نے 100 سے زائد کامیاب جوابی حملے کیے اور امریکہ کو 7 اپریل کو یکطرفہ جنگ بندی کا اعلان کرنا پڑا۔