ایران-پاکستان گیس پائپ لائن کی بحالی کا امکان، ایران-امریکہ مفاہمت سے راہ ہموار
WebDesk
16 جون, 2026 09:11
شیعیت نیوز : ایران اور امریکہ کے درمیان مفاہمت اور پابندیوں میں ممکنہ کمی کے بعد ایران-پاکستان گیس پائپ لائن منصوبے کی بحالی کی امید پیدا ہو گئی ہے۔
وزارت پٹرولیم نے اعلان کیا ہے کہ یہ منصوبہ عملی مرحلے میں داخل ہو سکتا ہے۔ یہ پائپ لائن، جسے "صلح پائپ لائن” بھی کہا جاتا ہے، ایک دہائی سے زائد عرصہ قبل شروع ہوئی تھی اور ایران نے اپنا حصہ مکمل کر لیا ہے، مگر پاکستان امریکی پابندیوں، بیرونی دباؤ اور مالی مشکلات کی وجہ سے پیچھے رہ گیا تھا۔
یہ بھی پڑھیں : برطانوی اسٹیبلشمنٹ فلسطینی احتجاج کو کچلنے پر صف بستہ، عدالت نے نسل کشی کے ہتھیار بنانے والی کمپنی کو “قانونی کاروبار” قرار دیا
ماہرین کا کہنا ہے کہ اس منصوبے کی تکمیل سے پاکستان میں توانائی کی کمی دور ہو سکتی ہے اور درآمدی لاگت میں نمایاں کمی آ سکتی ہے۔ علاقائی مبصرین ایران-امریکہ معاہدے کو خطے میں ایک اہم موڑ قرار دے رہے ہیں جس سے بڑے اقتصادی منصوبوں کی راہ ہموار ہو سکتی ہے۔
