یمن: عبدالملک الحوثی کا دشمن کی دراندازی پر شدید ردعمل

شیعیت نیوز : یمن کی انصاراللہ تحریک کے سربراہ عبدالملک الحوثی نے کہا ہے کہ دشمن سلامتی کے میدان میں بڑے پیمانے پر دراندازی کی کوششیں کر رہے ہیں۔

انہوں نے نشاندہی کی کہ دشمن انسانی عنوانات اور امدادی اداروں کو بھی دراندازی کے لیے استعمال کرتے ہیں، جس کی واضح مثالیں یمن میں دیکھی جا چکی ہیں۔

عبدالملک الحوثی نے مزید کہا کہ ان اداروں سے وابستہ نیٹ ورک یمن میں براہ راست صہیونی دشمن کے جرائم میں شریک رہے اور حکومتی اہداف کو نشانہ بنانے میں تعاون کرتے رہے۔ ان کارروائیوں کی نگرانی ایک بیرونی حکومت کر رہی تھی اور ان کا مقامی عناصر کے ایک گروہ سے براہ راست رابطہ تھا۔

یہ بھی پڑھیں : ایرانی میزائلوں اور حزب اللہ ڈرونز نے فوجی اڈوں کو شدید نقصان پہنچایا، اسرائیلی میڈیا کا اعتراف

انصاراللہ کے سربراہ نے بتایا کہ اسرائیلی دشمن سے وابستہ یہ نیٹ ورک صرف معلومات جمع کرنے تک محدود نہیں تھے بلکہ اہداف کو نشانہ بنانے کی کارروائیوں میں بھی فعال تھے۔ ان عناصر نے اسلحہ گوداموں، حساس مقامات اور اہم تنصیبات کی تفصیلی معلومات اکٹھی کیں۔ گرفتار افراد کے اعترافات پیش آنے والے واقعات سے مکمل طور پر مطابقت رکھتے ہیں۔

عبدالملک الحوثی نے کہا کہ دشمن عرب اور اسلامی ممالک کی منڈیوں سے بڑے پیمانے پر اقتصادی فائدہ اٹھا رہے ہیں۔ انہوں نے دو ہزار کی دہائی کے آغاز میں یورپی ممالک اور امریکہ کی جانب سے عرب ممالک کو بائیکاٹ روکنے کی دھمکیوں کا بھی ذکر کیا۔

ان کا کہنا تھا کہ امریکی کمپنیاں عراقی تیل کو لوٹ رہی ہیں اور اس کے منافع سے عراقی عوام سے پہلے خود فائدہ اٹھا رہی ہیں۔ صحت کے شعبے کو بھی دشمن خاص نشانہ بنا رہے ہیں جہاں بانجھ پن، آبادی کنٹرول اور نسل کشی جیسے منصوبوں کے ذریعے قوموں کو کمزور کیا جا رہا ہے۔