حزب اللہ کے فائبر آپٹک ڈرون اسرائیلی فوج کے لیے تباہی کا باعث، گارڈین کا انکشاف

شیعیت نیوز : برطانوی اخبار گارڈین نے انکشاف کیا ہے کہ حزب اللہ کے کم قیمت فائبر آپٹک ڈرون اسرائیلی فوج کے لیے سنگین چیلنج بن گئے ہیں۔ رپورٹ کے مطابق، جنوبی لبنان میں اسرائیلی ٹینکوں، فوجیوں اور بلڈوزروں پر ڈرون حملوں کی ویڈیوز تیزی سے پھیل رہی ہیں، کیونکہ حزب اللہ نے ان ہتھیاروں کو اسرائیلی قبضے کے خلاف اپنی گوریلا جنگ کا مرکزی حصہ بنا لیا ہے۔

یہ بھی پڑھیں : سپاہ پاسداران کے فضائی کمانڈر کا ایرانی فٹبال ٹیم کو ورلڈ کپ میں کامیابی کا پیغام

گارڈین نے لکھا کہ گزشتہ دو ہفتوں میں حزب اللہ کے درست ڈرون حملوں میں 190 اسرائیلی فوجی زخمی ہو چکے ہیں۔ یہ ڈرون فائبر آپٹک کیبل کے ذریعے کئی کلومیٹر دور آپریٹر سے جڑے رہتے ہیں، اس لیے اسرائیلی الیکٹرانک جنگی نظام انہیں جام نہیں کر سکتا۔ رپورٹ میں کہا گیا ہے کہ یہ سستے، ایک بار استعمال ہونے والے ڈرون ہیں جن کی تیاری پر صرف 300 سے 400 ڈالر خرچ آتا ہے۔ حزب اللہ نے ان کے ذریعے اسرائیلی مرکاوا ٹینک کے ٹرافی دفاعی نظام کو ناکام بنایا اور متعدد فوجی اہداف کو نشانہ بنایا ہے۔ گارڈین کے مطابق، 17 اپریل کی جنگ بندی کے بعد بھی حزب اللہ کا ڈرونوں پر انحصار نہ صرف جنگی حکمت عملی میں تبدیلی بلکہ مزاحمت کے نئے طرزِ جنگ کی نشاندہی کرتا ہے۔