توہینِ رہبر نامنظور! پیپلز پارٹی کے میئر مرتضیٰ وہاب نے کراچی سے شہید رہبر سید علی خامنہ ایؒ کی تصاویر ہٹا دیں

شیعیت نیوز : توہینِ رہبر نامنظور! UAE کے مفادات کی حفاظت کرنے والے پیپلز پارٹی کے میئر مرتضیٰ وہاب نے کراچی کی سڑکوں سے رہبر انقلاب شہید سید علی خامنہ ایؒ کی تصاویر ہٹا کر شیعہ عوام کے جذبات مجروح کر دیے

پیپلز پارٹی کے میئر مرتضیٰ وہاب نے شہر کی سڑکوں سے رہبر معظم انقلاب اسلامی شہید آیت اللہ سید علی خامنہ ایؒ کی تصاویر ہٹانے کا حکم دے دیا۔ یہ اقدام UAE کے مفادات کی حفاظت کرنے والے پیپلز پارٹی کے میئر کی جانب سے ایرانی حملوں کا بدلہ لینے کی کوشش کے طور پر دیکھا جا رہا ہے۔

اگر مرتضیٰ وہاب کی جانب سے کسی مذہبی یا سیاسی شخصیت کی تصاویر ہٹائی گئی ہیں تو اسے محض "انتظامی فیصلہ” قرار دے کر نظرانداز نہیں کیا جا سکتا، خاص طور پر جب یہ معاملہ ایک مخصوص مذہبی طبقے کے جذبات سے جڑا ہو۔

پاکستان کا آئین آرٹیکل 20 کے تحت ہر شہری کو مذہب پر عمل اور اس کی تبلیغ کا حق دیتا ہے جبکہ آرٹیکل 25 تمام شہریوں کے درمیان برابری کی ضمانت دیتا ہے۔ اگر کسی ایک مکتب فکر کی علامات یا شخصیات کو نشانہ بنایا جاتا ہے تو یہ امتیازی سلوک کے زمرے میں آتا ہے، جو آئینی اصولوں کے خلاف ہے۔

یہ بھی پڑھیں : کالعدم لشکر جھنگوی اور سپاہ صحابہ کے دہشتگردوں کی فائرنگ سے دو افراد جاں بحق

مزید یہ کہ پاکستان پینل کوڈ (PPC) کی دفعہ 295-A مذہبی جذبات کو مجروح کرنے والے دانستہ اقدامات کو جرم قرار دیتی ہے۔ اگر کسی اقدام سے ایک مخصوص کمیونٹی یہ محسوس کرے کہ اس کے مقدسات یا قابل احترام شخصیات کی توہین ہوئی ہے تو اس پر قانونی سوال اٹھنا فطری ہے۔

پاکستان میں شیعہ مکتب فکر کی آبادی 15 سے 20 فیصد تک ہے۔ ایسے میں ان کے مذہبی و فکری حوالوں کو نظرانداز کرنا نہ صرف سماجی ہم آہنگی کو متاثر کرتا ہے بلکہ ریاستی ذمہ داریوں پر بھی سنگین سوال اٹھاتا ہے۔

اگر یہ اقدام اہل سنت کے مقدسات، مثلاً خلفائے راشدینؓ کے نام یا ان سے منسوب بینرز کے ساتھ کیا جاتا تو یقیناً اسے توہینِ صحابہؓ اور سنی مذہبی جذبات کی مجروحی سمجھا جاتا۔ یہی اصول شیعہ مکتب فکر پر بھی یکساں طور پر لاگو ہونا چاہیے کیونکہ آئین پاکستان کسی ایک مسلک کو دوسرے پر فوقیت نہیں دیتا۔

یہ امر نہایت تشویشناک ہے کہ اس اقدام سے قبل کسی بھی شیعہ تنظیم یا نمائندہ ادارے کو کوئی پیشگی نوٹس یا مشاورت فراہم نہیں کی گئی۔ انتظامی اصولوں اور قانون کے تحت ایسے اقدامات میں متاثرہ فریق کو سننے کا حق دینا ضروری ہوتا ہے۔