امریکی ڈیموکریٹس کا ٹرمپ کو عہدے سے ہٹانے کا مطالبہ

شیعیت نیوز : امریکی ڈیموکریٹس کا ٹرمپ کے خلاف سخت اقدام: آئین کی 25ویں ترمیم کے تحت صدر کے اختیارات واپس لینے کا مطالبہ، ایران جنگ کو ’نسل کشی‘ قرار دیا

امریکہ میں ڈیموکریٹک پارٹی کے کئی اہم رہنماؤں نے صدر ڈونلڈ ٹرمپ کے حالیہ جارحانہ بیانات کے بعد مطالبہ کیا ہے کہ ان کے خلاف آئین کی ۲۵ویں ترمیم کے تحت کارروائی کی جائے۔ یہ ترمیم نائب صدر کو صدر کے اختیارات سنبھالنے کی اجازت دیتی ہے جب صدر اپنے فرائض انجام دینے کے قابل نہ رہیں۔

ڈیموکریٹس نے ٹرمپ پر الزام لگایا ہے کہ وہ ’نسل کشی جیسے جنگی جرائم کی دھمکیاں‘ دے رہے ہیں اور ’اتنے خطرناک‘ ہیں کہ انہیں جوہری ہتھیاروں کے کوڈز تک رسائی نہیں ہونی چاہیے۔ کانگریس کی رکن الیگزینڈریا اوکاسیو-کورتیز نے کہا کہ ٹرمپ کے بیانات ’نسل کشی کی دھمکی‘ ہیں اور ان کی ذہنی حالت پر بھی سوال اٹھ رہے ہیں۔

یہ بھی پڑھیں : 40 روزہ جنگ میں ایران کی ثابت قدمی امریکی غرور اور صیہونی ریاست کے خلاف اسٹریٹجک فتح ہے، علامہ راجہ ناصر عباس جعفری

ایوان نمائندگان کے سینیئر ڈیموکریٹس نے ریپبلکنز سے مطالبہ کیا ہے کہ وہ ان کے ساتھ مل کر مشرق وسطیٰ میں جاری جنگ کو روکنے کے لیے ووٹ دیں، ورنہ ٹرمپ ملک کو ’تیسری عالمی جنگ‘ کی طرف دھکیل سکتے ہیں۔

ڈیموکریٹس کا کہنا ہے کہ ٹرمپ کا ’ایک پوری تہذیب کو مٹانے‘ کا بیان انتہائی تشویشناک ہے اور کانگریس کو اس پر فیصلہ کن ردعمل دینا چاہیے۔

ایوان نمائندگان اس وقت تعطیلات پر ہے اور 14 اپریل کو دوبارہ اجلاس ہو گا۔

یہ داخلی تقسیم ایران کے خلاف امریکی جارحیت کی ناکامی اور عالمی سطح پر بڑھتی تنہائی کی عکاسی کرتی ہے۔ ایرانی حکام نے بارہا واضح کیا ہے کہ ایران دفاع کے لیے مکمل طور پر تیار ہے اور کسی بھی جارحیت کا بھرپور جواب دے گا۔