حزب اللہ کی مقبوضہ علاقوں میں شدید کارروائیاں، متعدد اسرائیلی اہداف نشانہ

شیعیت نیوز: حزب اللہ لبنان کی جانب سے مقبوضہ علاقوں میں کارروائیوں کا سلسلہ جاری ہے، جس کے تحت مختلف اوقات میں متعدد اسرائیلی اہداف کو نشانہ بنایا گیا۔

تفصیلات کے مطابق صبح 09:15 پر مزاحمت نے بیت ہلیل بستی پر راکٹ حملہ کیا، جبکہ 10:00 بجے رامیہ کی فضائی حدود میں ایک اسرائیلی ہیلی کاپٹر کو زمین سے فضا میں مار کرنے والے میزائل سے نشانہ بنایا گیا، جس کے بعد وہ پسپا ہو گیا۔

یہ بھی پڑھیں: امریکی انٹیلی جنس رپورٹ: ایران کی میزائل و ڈرون صلاحیت اب بھی برقرار

مزاحمت نے 10:25 پر بوابة فاطمہ کے قریب اسرائیلی فوجیوں اور گاڑیوں کے اجتماع کو راکٹوں سے نشانہ بنایا، جبکہ 10:30 پر المطلة بستی کو دوسری بار نشانہ بنایا گیا۔ اسی وقت صفد کے شمال میں واقع دادو فوجی اڈے (شمالی کمانڈ ہیڈکوارٹر) پر بھی راکٹ حملہ کیا گیا۔

10:40 پر الطيبة میں اسرائیلی فوجیوں اور گاڑیوں کے دو اجتماعات کو راکٹوں سے نشانہ بنایا گیا، جبکہ 10:00 سے 11:00 کے دوران رشاف اور بیت لیف میں بھی ایسے ہی حملے کیے گئے۔

دوپہر 12:00 پر مسکاف عام بستی میں اسرائیلی فوجیوں کے اجتماع کو راکٹوں سے نشانہ بنایا گیا، جبکہ خیام کے مشرق میں ایک میرکافا ٹینک کو گائیڈڈ میزائل سے تباہ کیا گیا۔

12:30 پر الطيبة میں دو گھروں کے اندر موجود اسرائیلی فوجیوں کو گائیڈڈ میزائلوں سے نشانہ بنایا گیا، جبکہ کفر جلعادی اور المرج میں بھی فوجی اجتماعات پر راکٹ حملے کیے گئے۔

02:30 پر القوزح میں ایک گھر میں موجود اسرائیلی فوجیوں کو گائیڈڈ میزائل سے نشانہ بنایا گیا اور فرار کے دوران مزید راکٹوں اور توپ خانے سے حملہ کیا گیا۔

03:15 پر البياضة میں ڈرون حملے کے ذریعے اسرائیلی فوجیوں کو نشانہ بنایا گیا، جبکہ 03:30 پر رأس الناقورة اور شلومی بستی پر راکٹ حملے کیے گئے۔

اسی وقت حیفا کے شمال میں الکریوت کے علاقے میں اسرائیلی فوجی انفراسٹرکچر کو بھی راکٹوں سے نشانہ بنایا گیا۔