ٹرمپ اور نیتن یاہو عوام سے حقیقت چھپا رہے ہیں، اسرائیلی اخبار

شیعیت نیوز : اسرائیلی اخبار ہارٹز نے اپنی ایک تفصیلی رپورٹ میں لکھا ہے کہ امریکہ کے صدر ڈونلڈ ٹرمپ اور اسرائیلی وزیر اعظم بنیامین نیتن یاہو ایران کے معاملے پر اپنے عوام کو درست معلومات فراہم نہیں کر رہے اور ایران کے بارے میں ان کی پالیسی کا ریکارڈ قابل دفاع نہیں ہے۔

رپورٹ میں کہا گیا ہے کہ ایران نے جوہری معاہدے (JCPOA) کی خلاف ورزی نہیں کی تھی بلکہ اس معاہدے کی شرائط کا احترام کیا۔ اس معاہدے کو ختم کرنے کے پیچھے بنیادی کردار اسرائیلی وزیر اعظم بنیامین نیتن یاہو کا تھا جنہوں نے ڈونلڈ ٹرمپ کو اس سے دستبردار ہونے پر آمادہ کیا۔

یہ بھی پڑھیں : سپاہ پاسداران کا حملہ: عراقی کردستان میں حریر امریکی اڈہ 5 میزائلوں سے نشانہ، لرستان میں صہیونی ہرمس 900 ڈرون مار گرایا

ہارٹز نے مزید لکھا کہ صدر ٹرمپ نے اس صورتحال کے معاشی نتائج کو غیر اہم قرار دیا، لیکن امریکہ میں ووٹر اس معاملے کو مختلف انداز سے دیکھتے ہیں اور انہیں اس کے معاشی اثرات کی تشویش ہے۔

یہ رپورٹ ایسے وقت میں سامنے آئی ہے جب ایران اور مغربی طاقتوں کے درمیان جوہری معاہدے کے حوالے سے کشیدگی عروج پر ہے اور اسرائیلی میڈیا کی جانب سے ٹرمپ-نیتن یاہو پالیسی پر پہلی بار کھل کر تنقید کی گئی ہے۔