اٹلی میں غزہ کی حمایت میں بڑے پیمانے پر مارچ اور مظاہرے

شیعیت نیوز: اٹلی میں چند بڑے شعبوں کی جانب سے 24 گھنٹے کی ہڑتال نے عوامی نقل و حمل، ریلوے ہوابازی، سرکاری خدمات اور تعلیمی شعبے سمیت اہم حصوں کو متاثر کیا۔

مختلف یونینز کی جانب سے جاری اعلامیے میں کہا گیا ہے کہ حکومت اٹلی کی معاشی اور سماجی پالیسیاں غیر منصفانہ طور پر کم آمدنی والے خاندانوں اور محنت کشوں پر بوجھ ڈال رہی ہیں اور اس کے نتیجے میں عوامی سطح پر شدید مایوسی پھیل رہی ہے۔

تاہم گزشتہ دنوں کی یہ ہڑتالیں جلد ہی محض معاشی عدم اطمینان سے آگے بڑھ گئیں اور انہوں نے ایک مضبوط سیاسی اور انسانی پہلو اختیار کر لیا۔

یہ بھی پڑھیں: بلوچستان شیعہ کانفرنس کا تفتان بارڈر کی بندش پر شدید احتجاج، زائرین کو سنگین مشکلات کا سامنا

اس بار ملک بھر کے شہروں میں ہزاروں طلبہ اور انسانی حقوق کے کارکن فلسطین کے پرچم تلے واک میں شریک ہوئے اور غزہ کی جنگ کے خاتمے، محاصرے کے خاتمے اور غزہ اور مغربی کنارے میں غیر شہریوں کے تحفظ کا مطالبہ کیا۔

ان مظاہروں اور مارچ کے منتظمین نے کہا: یہ جنگ اور نسل کشی انسانی وقار یا سماجی حقوق پر گفتگو کو ناممکن بنا چکی ہے جبکہ غزہ میں روزانہ بچے اور خواتین قتل ہو رہے ہیں۔

یہ احتجاج اور ہڑتال حالیہ ہفتوں میں فلسطین کی حمایت میں اطالوی یونینز کا دوسرا بڑا عوامی اجتماع ہے جو فلسطینی حقوق کے لیے بڑھتی ہوئی عوامی حمایت اور جاری جنگ پر یورپ میں بڑھتی ہوئی ناراضی کی واضح عکاسی کرتا ہے۔