پاکستان میں عدل و انصاف کا قتل ہو رہا ہے، طاقتور جو چاہے وہی ہو رہا ہے، سینیٹر علامہ راجہ ناصر عباس جعفری
20 دسمبر, 2025 12:45
ٹائٹل: سینیٹر علامہ راجہ ناصر عباس جعفری کا سخت بیان: موجودہ حکومت عدل و انصاف کا قتل کر رہی ہے، عوام پر ظلم کے پہاڑ توڑے جا رہے ہیں
سب ٹائٹل: پارلیمنٹ کے ذریعے عوام کے حقوق پر ڈاکہ، عدلیہ اور پولیس کے ذریعے ظلم، عمران خان کے ساتھ 90 فیصد عوام کھڑے ہیں
شیعیت نیوز: سینیٹر علامہ راجہ ناصر عباس جعفری نے ایک سخت بیان میں کہا ہے کہ موجودہ حکومت نے پاکستان میں عدل و انصاف کا قتل کر دیا ہے۔
انہوں نے کہا کہ پارلیمنٹ کے ذریعے عوام پر ظلم ہو رہا ہے، عدلیہ کے ذریعے ظلم ہو رہا ہے، پولیس کے ذریعے ظلم ہو رہا ہے۔ بے گناہوں کو قتل کیا جا رہا ہے، مبینہ پولیس مقابلے ہو رہے ہیں، اور یہ سب کچھ واضح طور پر اخبارات میں آ رہا ہے۔
پاکستان کے عوام بھی غیر متعلق کر دیے گئے ہیں، اور پاکستان کی پارلیمنٹ بھی غیر متعلق ہو چکی ہے۔ اب کوئی چیز اپنی جگہ پر باقی نہیں رہی۔
یہاں عادل نہیں ملتا، یہاں عدل و انصاف کا قتل ہو رہا ہے۔ پارلیمنٹ کے اندر پاکستان کے عوام کے حق میں قانون سازی نہیں ہوتی، بلکہ عوام کے حق پر ڈاکہ ڈالنے کے لیے اقدامات کیے جاتے ہیں۔
یہ بھی پڑھیں: جعفریہ الائنس پاکستان کے مرکزی دفتر بارگاہ حسینی کی تجدید کے بعد افتتاحی تقریب اور کابینہ اجلاس
پولیس کیا کر رہی ہے، عدالتیں کیا کر رہی ہیں، بیوروکریسی کیا کر رہی ہے سب آپ کے سامنے ہے۔
ایک طرف پاکستان کی ریاست اور اس کی سالمیت پر یلغار ہے، اور دوسری طرف بدترین مہنگائی ہے۔ پھر ایسے فیصلے کیے جا رہے ہیں جن سے عوام کو مزید تکلیف پہنچے۔
علامہ راجہ ناصر عباس نے کہا کہ عمران خان صاحب کے ساتھ اس وقت پاکستان کے عوام کی نوے فیصد اکثریت کھڑی ہے۔ جو بھی آج ان کا مخالف ہے، وہ دراصل انتہاپسندوں کے ساتھ کھڑا ہے۔
ہم سب ایک ہیں، اسی لیے ان کی پوری کوشش ہے کہ ہمیں مایوس کریں، ناامید کریں، اور لوگوں سے کہیں کہ آپ کچھ نہیں کر سکتے۔
لیکن حقیقت میں یہ ان کی بزدلی اور پریشانی کی علامت ہے۔ یہ لوگ ہار چکے ہیں، اور جو اپنے عوام سے لڑتے ہیں وہ کبھی جیت نہیں سکتے۔
پاکستان کے نظام پر عوام کا اعتماد مکمل طور پر ختم ہو چکا ہے، اور اس وقت پاکستان عوام کے بغیر چلایا جا رہا ہے۔
یہ لوگ دنیا میں جا کر جو فیصلے اور معاہدے کر رہے ہیں، ان کی دو ٹکے کی حیثیت بھی نہیں۔ پاکستان کے عوام انہیں قبول نہیں کرتے۔
ہم آج ہونے والے فیصلے کی سخت مذمت کرتے ہیں۔ یہ فیصلہ قابل مذمت ہے۔
آپ جانتے ہیں کہ جس طرح کے ٹرائل ہو رہے ہیں، جس طرح کی صورتحال بنائی جا رہی ہے، جنوری سے عمران خان صاحب کے کیسز ہائی کورٹ میں زیر التوا ہیں، ان کی سماعت نہیں ہو رہی۔ یہ پک اینڈ چوز کی صورتحال ہے، اپنی مرضی کے فیصلے کیے جا رہے ہیں۔
یہ سمجھتے ہیں کہ ایسے فیصلے انہیں بچا لیں گے، لیکن حقیقت یہ ہے کہ استثنا لینے کے باوجود ان کا خوف ختم نہیں ہو رہا۔ ڈر کے سائے میں ایسے فیصلے کیے جا رہے ہیں۔
خدا نہ کرے کسی ملک پر بزدل، حقیر اور چھوٹے لوگ مسلط ہو جائیں۔ یہ لوگ پست ترین سطح پر جا کر مخالفت کرتے ہیں۔
ہم خداوند عبدالمطلب کی بارگاہ میں دعا کرتے ہیں کہ ہمیں ان ظالموں، بونوں اور حقیر لوگوں سے نجات عطا فرمائے۔
یہاں آئین کی بالادستی ہو، قانون کی حکمرانی ہو، اور پاکستان کے عوام کو انصاف اور ان کا حق ملے۔
