ملبے تلے سے صہیونی قیدیوں کی لاشوں کا نکالنا بھاری مشینری کے بغیر ناممکن ہے، القسام
مزاحمت نے جنگ بندی معاہدے کی تمام شقوں پر عمل مکمل کر لیا، باقی لاشوں کی بازیابی کے لیے خصوصی مشینری درکار

شیعیت نیوز: عزالدین القسام بریگیڈز نے اعلان کیا ہے کہ فلسطینی مزاحمت نے جنگ بندی معاہدے کے مطابق تمام زندہ صہیونی قیدی اور ان کی لاشیں حوالے کر دی ہیں، تاہم باقی لاشوں کو ملبے تلے سے نکالنے کے لیے خصوصی مشینری اور وسائل کی ضرورت ہے۔
القسام نے واضح کیا کہ مزاحمت نے معاہدے کی تمام شقوں پر عمل کیا ہے اور اس معاملے کو مکمل طور پر ختم کرنے کے لیے کوششیں جاری ہیں۔
یہ بھی پڑھیں: رہبر معظم انقلاب کے افکار و آراء کا منبع قرآن پاک ہے جو پوری انسانیت کےلئے مشعل راہ ہے، علامہ سید ساجد علی نقوی
دوسری جانب، عبرانی روزنامے ٹائمز آف اسرائیل نے دعویٰ کیا ہے کہ حماس مزید چار صہیونی قیدیوں کی لاشیں بدھ کے روز اسرائیل کے حوالے کرنے کا ارادہ رکھتی ہے۔ اس کے بعد اب تک مجموعی طور پر 12 لاشیں تل ابیب کو منتقل کی جا چکی ہیں، جبکہ آتش بس معاہدے کے تحت یہ تعداد 28 تک پہنچنا ضروری ہے۔
ذرائع کے مطابق، غزہ میں دو سال سے جاری تباہی کے بعد ملبے تلے موجود لاشوں کی بازیابی ایک پیچیدہ مسئلہ بن چکا ہے، اور بعض مبصرین کا کہنا ہے کہ اسرائیل اسی نکتے کو جواز بنا کر انسانی امداد کی ترسیل میں رکاوٹیں پیدا کر رہا ہے۔