اہم ترین خبریںمقبوضہ فلسطین
غزہ میں خاموشی طاری: اسرائیلی کابینہ نے جنگ بندی معاہدہ منظور کرلیا
نتانیاہو حکومت کی منظوری کے بعد غزہ میں حملے بند، مصر میں طے پانے والا معاہدہ نافذ العمل
شیعیت نیوز : صہیونی وزیراعظم بنیامین نتانیاہو کے دفتر کے مطابق اسرائیلی کابینہ نے غزہ میں جنگ بندی اور اسیران کی رہائی سے متعلق معاہدے کی منظوری دے دی ہے۔
عبرانی ذرائع ابلاغ کے مطابق، کابینہ کی منظوری کے بعد غزہ میں جنگ بندی باقاعدہ طور پر نافذ ہوگئی ہے اور اسرائیلی حملے روک دیے گئے ہیں۔
یہ بھی پڑھیں : غزہ میں صہیونی مظالم رکوانے کے لیے عالمی اقدامات کی حمایت کرتے ہیں، ایران
واضح رہے کہ کابینہ کا یہ اجلاس جمعرات کو جنگ بندی معاہدے پر غور کے لیے ہنگامی طور پر بلایا گیا تھا۔ اجلاس سے قبل اسرائیلی فوج نے غزہ کے مختلف علاقوں پر شدید حملے کیے، جن میں متعدد فلسطینی شہید اور زخمی ہوئے۔
یاد رہے کہ جنگ بندی کا یہ معاہدہ مصر کے شہر شرمالشیخ میں فلسطینی مزاحمتی تحریک حماس اور اسرائیل کے درمیان طے پایا تھا۔
