مصر اور اسرائیل کے درمیان بڑھتی کشیدگی، مصری فوج سرحد پر تعیینات
مصر نے صحرائے سینا میں 40 ہزار فوجی تعینات کردیے، غزہ سے جبری بے دخلی کی کوششوں کا مقابلہ ہوگا
شیعیت نیوز : قطر پر صہیونی حکومت کی جارحیت کے بعد عرب ممالک اور صہیونی حکومت کے درمیان کشیدگی بڑھ گئی ہے۔
تازہ ترین حالات کے مطابق مصر نے گذشتہ چند دنوں کے دوران صحرائے سینا میں مقبوضہ فلسطین کی سرحد کے نزدیک اپنے فوجی اہلکار تعینات کردیے ہیں۔
ذرائع کے مطابق صہیونی فوج کی جانب سے غزہ میں گدعون چیرئٹس 2 آپریشن کے بعد غزہ کے رہائشیوں کو جبری بے دخل کرنے کی کوششوں کا مقابلہ کرنے کے لیے مصر خود کو تیار کررہا ہے۔
یہ بھی پڑھیں : افغان طالبان کا امریکی صدر ڈونلڈ ٹرمپ کو جواب
عرب میڈیا کا کہنا ہے کہ صحرائے سینا میں مصر نے دفاعی آلات نصب کرنے کے علاوہ 40 ہزار فوجی اہلکار تعینات کردیے ہیں۔
اس سے پہلے مصری وزیر اعظم مصطفیٰ مدبولی نے غزہ سے فلسطینیوں کو جبری بے دخل کرنے کی کوششوں کا مقابلہ کرنے کا عزم ظاہر کیا اور کہا کہ گریٹر اسرائیل کے نام پر جو کارروائی کی جارہی ہے اس کے مقابلے کے لیے منصوبے تیار ہیں۔
