سینیٹر علامہ راجہ ناصر عباس جعفری اور محمودخان اچکزئی کی افغان سفیر مولوی سردار احمد شکیب سے ملاقات
مشر محمود خان اچکزئی اور علامہ راجہ ناصر عباس جعفری کی قیادت میں وفد کا دورہ، جاں بحق افراد کے لیے فاتحہ خوانی اور زخمیوں کی صحتیابی کی دعا
شیعیت نیوز : تحریک تحفظ آئین پاکستان کے اعلیٰ سطحی وفد نے افغانستان کے سفارت خانے کا دورہ کیا۔ وفد میں سربراہ پشتونخواہ ملی عوامی پارٹی و چیئرمین تحریک تحفظ آئین پاکستان و رکن قومی اسمبلی محترم مشر محمود خان اچکزئی اور وائس چیئرمین تحریک تحفظ آئین پاکستان و سربراہ مجلس وحدت مسلمین پاکستان، سینیٹر علامہ راجہ ناصر عباس جعفری شامل تھے، جنہوں نے افغان سفیر مولوی سردار احمد شکیب سے ملاقات کی۔
اس موقع پر کنڑ ولایت میں حالیہ زلزلے سے ہونے والے جانی و مالی نقصان پر گہرے دکھ اور افسوس کا اظہار کیا گیا۔ ملاقات کے دوران جاں بحق ہونے والے افراد کے لیے فاتحہ خوانی کی گئی اور زخمیوں کی جلد صحت یابی کے لیے دعا بھی کی گئی۔
یہ بھی پڑھیں : اسلامی معارف کی ترویج اور انقلاب اسلامی کے نظریات کے دفاع میں قومی میڈیا کا کردار کلیدی ہے، آیت اللہ اعرافی
ملاقات میں ترجمان تحریک اخوندزاده حسین یوسفزئی اور ریاض خان بھی شریک تھے۔
