شیخ نعیم قاسم کا یمنی وزرا کی شہادت پر تعزیتی پیغام، اسرائیل کی بزدلانہ کارروائی کی مذمت

شیعیت نیوز : حزب اللہ لبنان کے ڈپٹی سیکرٹری جنرل شیخ نعیم قاسم نے یمن کے وزیرِ اعظم احمد غالب الرہوی اور متعدد وزرا کی شہادت پر تعزیتی پیغام جاری کرتے ہوئے کہا ہے کہ صیہونی حکومت کا یہ مجرمانہ حملہ اس کی مکمل ناکامی اور وحشیانہ طرزِ عمل کی عکاسی کرتا ہے۔

اپنے پیغام میں انہوں نے انصار اللہ کے سربراہ سید عبد الملک بدرالدین الحوثی کو مخاطب کرتے ہوئے کہا کہ اسرائیل نے یہ بزدلانہ حملہ اس لیے کیا کیونکہ وہ میدانِ جنگ میں مجاہد کمانڈروں اور مسلح افواج کا مقابلہ کرنے کی طاقت نہیں رکھتا۔

یہ بھی پڑھیں: یمنی وزیراعظم احمد غالب الرہوی اسرائیلی فضائی حملے میں شہید

واضح رہے کہ اس سے قبل یمن کی اعلیٰ سیاسی کونسل کے سربراہ مہدی المشاط نے بھی وزیرِاعظم اور وزرا کی شہادت پر تعزیتی بیان دیا تھا۔ انہوں نے کہا کہ یمن کا انتقام یقینی ہے اور دشمنوں کو خبردار کیا کہ یمن کی استقامت کو شکست نہیں دی جا سکتی کیونکہ ہمارا اعتماد خدا پر ہے اور اس کا وعدہ ہے کہ فتح اہلِ ایمان کا مقدر ہے۔