اربعین مارچ کے زائرین کے لیے گرمی سے بچاؤ کی مؤثر طبی تجاویز

شیعیت نیوز : اربعین مارچ کے دوران گرمی کی شدت سے زائرین بہت زیادہ پریشان ہوتے ہیں، جس سے بچنے کے لیے کچھ نکات اور طبی تجاویز کی رعایت سے گرمی کی پریشانی کسی حد تک کم ہو سکتی ہے۔ سرحدی علاقوں میں گرمی کی شدت زیادہ ہونے کی وجہ سے بدن کمزوری اور لاغری کا شکار ہوجاتا ہے۔

گرمی بڑھنے سے بدن کو پانی کی زیادہ ضرورت ہوتی ہے، لہٰذا اس دوران او آر ایس زیادہ سے زیادہ استعمال کرنا چاہیے۔ گرمی کے دوران سادہ پانی پینے سے پیاس کی شدت بڑھ جاتی ہے کیونکہ بدن سوڈیم اور پوٹاشیم کو کھو دیتا ہے، جو گرمی کی شدت میں اضافہ کرتا ہے۔

یہ بھی پڑھیں : شہید عارف حسینیؒ کی نظر میں جوانوں کی ذمہ داریاں: علم، ایثار اور خدمتِ ملت

گرمی سے بچنے کے لیے درج ذیل نکات کی رعایت کرنا مفید ہو سکتا ہے:

• ٹھنڈے اور یخ زدہ پانی پینے سے اجتناب کریں، سادہ اور نیم گرم پانی بدن کے لیے مفید ہوتا ہے۔

• کاٹن اور ڈھیلے کپڑے زیب تن کریں۔

• اضافی وزن اٹھانے سے گریز کریں، حتی الامکان ٹرالی اور دیگر وسائل کے ذریعے سامان حمل کریں۔

• کسی جگہ ٹھہرنے کی صورت میں شربت استعمال کریں۔

• تلی ہوئی اور پرچرب غذائیں استعمال کرنے کے بجائے سادہ کھانا کھائیں۔

• سخت دھوپ میں سفر کرنے کے بجائے موکب اور کیمپوں میں آرام کرکے شام، رات اور صبح کے وقت سفر کو ترجیح دیں۔

• زیادہ سے زیادہ پانی پئیں اور ہمیشہ پانی کی بوتل اپنے ہمراہ رکھیں۔

• کولڈ ڈرنک استعمال کرنے سے گریز کریں۔

• وقفے وقفے سے لیمو کا شربت استعمال کریں۔

• اپنی جلد کو رومال اور کاٹن کے کپڑے سے ڈھک دیں۔

• گرمی سے بچنے کے لیے ٹوپی اور عینک استعمال کریں۔

• راستے میں معمول اور ٹائم ٹیبل کے مطابق کھانا کھائیں اور بلا وقفہ کھانے سے اجتناب کریں۔

کربلا، نجف، سامرا اور کاظمین میں مختلف مقامات پر طبی امداد کے کیمپ لگائے گئے ہیں، جہاں چوبیس گھنٹے زائرین کے لیے طبی خدمات فراہم کی جاتی ہیں۔ اگر راستے میں زیادہ گرمی کی وجہ سے طبیعت زیادہ خراب ہوجائے تو ان مراکز سے رجوع کریں۔