شہید جنرل غلام علی رشید کی دزفول میں تدفین، جنازے میں عوام کا انقلابی جوش
مقدس مقام سبز قبا میں سپرد خاک، "مردہ باد امریکہ و اسرائیل" کے نعرے، رہبر انقلاب سے تجدید عہد
شیعیت نیوز : اسرائیلی جارحیت میں شہید ہونے والے سپاہ پاسداران انقلاب اسلامی کے سینئر کمانڈر لیفٹیننٹ جنرل غلام علی رشید کو ان کے آبائی شہر دزفول میں سپرد خاک کر دیا گیا۔
شہید کمانڈر کی تدفین پیر کے روز صوبۂ خوزستان کے شہر دزفول میں واقع مقدس مقام سبز قبا میں کی گئی، جہاں امام علی رضا علیہ السلام کے بھائیوں میں سے ایک کا مزار بھی موجود ہے۔ تدفین کے موقع پر عوام کی بڑی تعداد موجود تھی جو اشکبار آنکھوں اور انقلابی جذبے کے ساتھ شریک ہوئی۔
رہبر انقلاب اسلامی کے دو مشیروں، علی لاریجانی اور محمد مخبر نے بھی تدفین کی رسومات میں شرکت کی اور شہید کمانڈر کو خراج عقیدت پیش کیا۔
یہ بھی پڑھیں : ٹرمپ کی رہبر معظم کے خلاف توہین آمیز زبان اقوام متحدہ کے چارٹر کی خلاف ورزی ہے، ایرانی وزارت خارجہ
تشییع جنازہ کے دوران عزاداروں نے "مردہ باد امریکہ” اور "مردہ باد اسرائیل” کے فلک شگاف نعرے لگائے، اور رہبر انقلاب اسلامی آیت اللہ سید علی خامنہای کی بھرپور حمایت کا اظہار کیا۔
یاد رہے کہ جنرل غلام علی رشید اور ایران کے دیگر کئی اعلیٰ فوجی کمانڈروں کو 13 جون سے شروع ہونے والی اسرائیلی جارحیت کے دوران ٹارگٹڈ حملوں میں شہید کیا گیا تھا۔ ان حملوں میں متعدد ایٹمی سائنسدان بھی شہید ہوئے۔
