ٹرمپ کی رہبر معظم کے خلاف توہین آمیز زبان اقوام متحدہ کے چارٹر کی خلاف ورزی ہے، ایرانی وزارت خارجہ
ترجمان وزارت خارجہ: توہین آمیز زبان اقوام متحدہ کے چارٹر کی خلاف ورزی ہے، عالمی نفرت میں اضافہ ہوگا
شیعیت نیوز : ایران نے امریکی صدر ڈونلڈ ٹرمپ کی جانب سے رہبر انقلاب اسلامی آیت اللہ العظمیٰ سید علی خامنہای کے خلاف دھمکی آمیز اور توہین آمیز بیانات کی سخت ترین الفاظ میں مذمت کی ہے۔
ایرانی وزارت خارجہ کے ترجمان بقائی نے کہا کہ ہم نے ایک سرکاری بیان کے ذریعے اعلان کیا ہے کہ اس قسم کے گھٹیا اور توہین آمیز بیانات کو سختی سے مسترد اور مذمت کرتے ہیں۔
یہ بھی پڑھیں : مجلسِ عزا میں لبیک یا خامنہای کی صداؤں سے کراچی کی فضا گونج اُٹھی
ترجمان کے مطابق، ٹرمپ کے ان بیانات کی وجہ سے نہ صرف ایرانی عوام بلکہ دنیا بھر کے مسلمانوں کے جذبات مجروح ہو رہے ہیں۔
ترجمان نے اپنے بیان میں کہا ہے کہ اس قسم کی دھمکی آمیز اور توہین آمیز زبان اقوام متحدہ کے چارٹر اور بین الاقوامی اصولوں کی صریح خلاف ورزی ہے۔ ایران کے مذہبی و سیاسی رہنماؤں کے خلاف دھونس، دھمکی اور توہین آمیز طرزِ تخاطب سے امریکہ کے خلاف عالمی سطح پر نفرت میں مزید اضافہ ہوگا۔
بیان کے آخر میں امریکی حکام کو مشورہ دیا گیا کہ وہ اپنی توہین آمیز زبان اور غیر مستقل مؤقف سے باز آئیں، اور بین الاقوامی اداروں کو ایران کی پرامن ایٹمی تنصیبات پر حملوں جیسے غیر قانونی اقدامات کا جواب دینا چاہیے۔
