شہید ابراہیم رئیسی کے کارنامے تاریخ میں ہمیشہ یاد رکھے جائیں گے، ایرانی صدر

شیعیت نیوز : ایرانی صدر ڈاکٹر مسعود پزشکیان نے شہید آیت اللہ سید ابراہیم رئیسی کی پہلی برسی کی مناسبت سے بین الاقوامی کانفرنس کے موقع پر اپنے پیغام میں کہا ہے کہ شہید رئیسی کا درخشان اور قابلِ فخر کارنامہ تاریخ انقلاب اسلامی میں ہمیشہ یادگار رہے گا۔

شہید ڈاکٹر سید ابراہیم رئیسی کی حکمرانی پر منعقد ہونے والی یہ پہلی بین الاقوامی کانفرنس ایک اہم موقع ہے تاکہ ہم ان کی انتظامی خدمات سے سیکھیں۔

ان کی کامیابیوں اور چیلنجز کا تجزیہ کرکے ملک و ملت کی بہتر خدمت کے لیے راہ ہموار کریں۔

شہید رئیسی کی نمایاں خصوصیات میں میدان میں موجودگی، انتھک محنت، عوامی مسائل سے گہری وابستگی اور خدمت کا جذبہ شامل ہیں۔

یہ بھی پڑھیں : غزہ سے جنگ دھوکا ہے، ہمیں اب تک جھوٹ بولا گیا، اسرائیلی پارلیمنٹ میں لفظی جھڑپیں

رہبر انقلاب اسلامی نے بھی ان کی خدمات کو خراجِ تحسین پیش کرتے ہوئے کہا کہ ان کی پوری مدتِ خدمت، چاہے وہ مختصر صدارت ہو یا اس سے قبل کے عہدے، خالصتا عوام اور اسلام کی خدمت میں بسر ہوئی۔

آج ملک کو درپیش چیلنجز سے نکلنے اور ترقی کی راہ پر گامزن ہونے کے لیے قومی اتحاد، تمام دستیاب صلاحیتوں سے استفادہ اور ماضی کی حکمرانی کے ماڈلز کا منصفانہ و علمی جائزہ ناگزیر ہے۔

موجودہ پیچیدہ سماجی و سیاسی حالات میں حکومتیں تنہا تمام مسائل کو حل نہیں کر سکتیں، اس لیے حکومت اور عوام کے درمیان باہمی تعلق، اجتماعی عزم اور ہم آہنگی کو فروغ دینا ضروری ہے، تاکہ نہ صرف سماجی یکجہتی مضبوط ہو بلکہ اقتصادی ترقی کے لیے بھی زمینہ ہموار ہو۔