یمن کا اسرائیل پر ڈرون حملہ، امریکی بحری بیڑے پر بھی حملہ
27 اپریل, 2025 16:17
شیعیت نیوز : یمنی مسلح افواج کے ترجمان میجر جنرل یحیی سریع نے کہا ہے کہ یمن نے تل ابیب اور عسقلان میں دو صہیونی اہداف پر ڈرون حملے کیے ہیں۔
ترجمان کے مطابق یمنی فوج نے دو ڈرون کے ذریعے اسرائیل کے اہم اہداف پر ایک ہی وقت میں حملے کیے جو مقبوضہ یافا اور عسقلان میں واقع ہیں۔ ان آپریشنز کا مقصد فلسطینی عوام اور فلسطینی مقاومت کی حمایت کرنا ہے۔
یہ بھی پڑھیں: بندر عباس ائیرپورٹ جاں بحق افراد کے خاندانوں کی مکمل دیکھ بھال کی جائے گی، ایرانی صدر
انہوں نے مزید کہا کہ بحیرہ احمر کے شمال میں طیارہ بردار بحری جہاز ٹرومین کی زیر قیادت امریکی بحری بیڑے کے خلاف ایک مشترکہ فوجی آپریشن بھی کیا گیا۔
جنرل یحیی سریع نے مشترکہ فوجی آپریشن کی تفصیل بتاتے ہوئے کہا کہ یہ آپریشن یمنی نیوی اور ڈرون یونٹ نے کئی ڈرون کے ذریعے انجام دیا جو امریکہ کی طرف سے یمن پر جاری حملوں کا جواب ہے۔
یمنی ترجمان نے مزید کہا کہ بحیرہ احمر اور بحیرہ عرب میں یمن کی فوجی کارروائیاں اس وقت تک جاری رہیں گی جب تک غزہ کی جنگ ختم نہیں ہوتی اور محاصرہ ختم نہیں ہوتا۔
