خطے میں مزاحمتی گروہوں کا اتحاد برقرار رہے گا، زیاد نخالہ

شیعیت نیوز: فلسطین کی اسلامی جہاد موومنٹ کے سیکرٹری جنرل زیاد نخالہ نے پروگرام "منبر قدس” سے خطاب کرتے ہوئے کہا کہ ہماری قوم نے ثابت کیا کہ عالمی سازشوں کے باوجود وہ مضبوط اور ناقابل تسخیر ہے۔ انہوں نے مزید کہا کہ فلسطینیوں نے ثابت کر دیا کہ بیت المقدس دنیا کے تمام ہتھیاروں اور قوتوں سے بڑی طاقت ہے۔

بھی پڑھیں: مزاحمتی محور کی کامیابیاں ایران اور شہداء کی قربانیوں کا نتیجہ ہیں، شیخ نعیم قاسم

زیاد نخالہ نے واضح کیا کہ خطے میں مزاحمتی گروہوں کا اتحاد برقرار رہے گا اور یہ قوتیں ایک دوسرے کی تکمیل کریں گی۔ انہوں نے زور دے کر کہا کہ فلسطینی قوم اپنی سرزمین پر ثابت قدم رہے گی اور متبادل سرزمین کے آپشن کو ہرگز قبول نہیں کرے گی۔

اس دوران عوامی محاذ برائے فلسطین کے ڈپٹی سیکرٹری جنرل جمیل مظہر نے کہا کہ ہم غزہ اور مغربی کنارے کے مجاہدین سے لے کر لبنان، یمن اور ایران تک کے مزاحمتی محاذوں کو سلام پیش کرتے ہیں۔