اسلامی جمہوریہ ایران کی طاقت میں اضافہ جاری ہے، رہبر معظم

شیعیت نیوز: رہبر معظم انقلاب حضرت آیت‌الله خامنہ‌ای سے ملک بھر کی طلبہ تنظیموں کے نمائندوں کی ملاقات کا آغاز ہو چکا ہے۔ رہبر معظم انقلاب نے ملاقات کے دوران اہم نکات پر روشنی ڈالی اور اسلامی جمہوریہ ایران کی ترقی اور طاقت میں اضافے پر زور دیا۔

رہبر معظم انقلاب نے کہا کہ "اسلامی جمہوریہ ایران، دشمنوں، مخالفین اور حریفوں کے ناقص، غیر مستند اور سطحی نقطہ نظر کے برعکس، شہید رئیسی، سید حسن نصراللہ، ہنیہ، صفی الدین، سنوار اور ضیف جیسی شخصیات کو کھونے کے باوجود، گزشتہ سال کے مقابلے میں بعض مسائل میں مضبوط ہوا ہے اور بعض مسائل میں اگر مضبوط نہیں تو کمزور بالکل نہیں ہوا۔”

یہ بھی پڑھیں: نیتن یاہو کے گھر تک رسائی مقاومت کی طاقت کا ثبوت ہے، سربراہ حزب اللہ

انہوں نے مزید کہا کہ "دشمنوں اور مخالفین کے ناقص، بے بنیاد اور سطحی نقطہ نظر کے برخلاف، اسلامی جمہوریہ ایران نے ترقی حاصل کی ہے اور اپنی طاقت میں اضافہ کر رہا ہے۔” رہبر معظم انقلاب نے اس بات پر زور دیا کہ "شخصیات کا کھو جانا یقیناً نقصان ہے، لیکن اگر اہداف اور جدوجہد کی دو خصوصیات باقی رہیں تو مجموعی تحریک متاثر نہیں ہوگی۔”

انہوں نے تاریخی مثال دیتے ہوئے کہا کہ "ہجرت کے تیسرے سال رسول اکرم صلی اللہ علیہ وسلم نے احد کی جنگ میں حمزہ جیسی شخصیت کو کھو دیا۔ کھونے والوں میں صرف حمزہ نہیں تھے، بلکہ یہ ان میں سب سے نمایاں حمزہ تھے۔ ہجرت کے چوتھے اور پانچویں سال میں آپ صلی اللہ علیہ وسلم گذشتہ سالوں کے مقابلے میں بہت زیادہ مضبوط تھے۔ یعنی ممتاز شخصیات کے کھو جانے کا مطلب یہ پیچھے ہٹنا، کمزور ہو جانا یا پسپائی اختیار کرنا نہیں ہے۔”

رہبر معظم انقلاب نے کہا کہ "آج دنیا کے آمر کہتے ہیں کہ سب ان کی بات مانیں اور ان کے مفادات کو مقدم رکھیں، لیکن اسلامی جمہوریہ ایران واحد ملک ہے جس نے اس مطالبے کو دوٹوک انداز میں رد کیا ہے۔”