حزب اللہ کی جانب سے اسلامی انقلاب کی 46ویں سالگرہ پر مبارکباد

شیعیت نیوز: لبنان کی حزب اللہ نے ایک بیان میں اسلامی انقلاب کی 46ویں سالگرہ کے موقع پر رہبر معظم انقلاب امام خامنہ ای، صدر پزشکیان اور ایران کے عوام کو مبارکباد دی ہے۔

اس بیان میں مزید کہا گیا کہ اسلامی انقلاب اپنے عظیم رہبر کی قیادت میں دشمنوں کے معاندانہ اقدامات اور سازشوں کے باوجود زندگی کے تمام شعبوں میں ترقی حاصل کرنے میں کامیاب رہا ہے۔

یہ بھی پڑھیں: انقلاب اسلامی کی سالگرہ، جنرل اسماعیل قاانی کی ریلی میں شرکت

بیان میں کہا گیا ہے کہ چار دہائیوں سے زائد عرصہ گزرنے کے بعد، اسلامی جمہوریہ ایک علاقائی طاقت بن چکا ہے اور بین الاقوامی میدان میں ایک اہم طاقت کے طور پر اپنی موجودگی ثابت کر چکا ہے۔

حزب اللہ نے کہا کہ اسلامی جمہوریہ اپنی تشکیل کے بعد سے ہی خطے اور دنیا کی مظلوم اقوام کے ساتھ کھڑا رہا ہے اور وہ مزاحمتی تحریکوں کا حقیقی جبکہ فلسطین کا بنیادی حامی ہے۔

بیان میں مزید کہا گیا کہ اسلامی جمہوریہ ایران نے 1982 سے لبنان کی حمایت کی تاکہ قابض رژیم کو اس ملک سے نکال باہر کیا جا سکے۔ اس وسیع حمایت نے لبنانی مزاحمت کی کامیابیوں میں نہایت اہم کردار ادا کیا ہے۔

بیان میں مزید کہا گیا کہ ہم امام خامنہ ای کی قیادت میں اسلامی جمہوریہ ایران کی ترقی اور استحکام کے خواہاں ہیں اور اسلامی وحدت کی طاقت سے فلسطین کی آزادی اور عالمی استکبار اور صیہونی رژیم کی نابودی کے لیے جدوجہد جاری رکھنے کے عزم کا اعادہ کرتے ہیں۔