ایران پر دباؤ ناکام پالیسی ہے، عباس عراقچی

ایرانی وزیر خارجہ سید عباس عراقچی نے آج بروز بدھ صحافیوں سے گفتگو کرتے ہوئے گزشتہ رات امریکی صدر کے ریمارکس پر ردعمل دیتے ہوئے کہا کہ زیادہ سے زیادہ دباؤ کی پالیسی پہلے بھی ناکام ہو چکی ہے اور اس پالیسی کو دوبارہ آزمانا ایک اور ناکامی کو دعوت دینے کے مترادف ہے۔

یہ بھی پڑھیں: امریکا اور اسرائیل کی ایران کے خلاف کارروائی کی خبریں مبالغہ آمیز ہیں، ڈونلڈ ٹرمپ

وزیر خارجہ نے مزید کہا کہ اگر اصل مسئلہ یہ ہے کہ ایران جوہری ہتھیار نہ بنائے تو یہ ایک قابلِ حل معاملہ ہے۔ ایران این پی ٹی (NPT) کا سرگرم رکن ہے اور جوہری ہتھیاروں کے حوالے سے ہماری پالیسی بالکل واضح ہے۔ سپریم لیڈر کا فتویٰ جوہری ہتھیاروں کی ممانعت پر موجود ہے، جو ہمارے موقف کی مکمل تائید کرتا ہے۔