اہم ترین خبریںپاکستان

فرقہ وارانہ کشیدگی کے خاتمے کے لئے عظیم مثال کالا باغ، والد نے امام حسینؑ کے نام پر 2 بیٹوں کا خون معاف کر دیا

اس موقع پر علامہ سید افتخار حسین نقوی کا کہنا تھا کہ میں شکر گزار ہوں شہداء کے وارثوں کا جنہوں نے مجھے صلح کے لیے اختیار دیا۔ انہوں نے کہا کہ اسی طرح صلح اور امن کا ماحول برقرار رہنا چاہیے۔

شیعیت نیوز: پنجاب کے ضلع میانوالی کے علاقے کالا باغ میں چہلم امام حسین علیہ السلام کے موقع پر شیعہ سنی کشیدگی کے دوران شہید ہونیوالے 2 بیٹوں کے والد نے اپنے بچوں کا خون امام حسین علیہ السلام کے نام پر معاف کر دیا۔

جامعہ امام خمینی ماڑی انڈس ضلع میانوالی میں اسلامی نظریاتی کونسل کے رکن اور سربراہ امام خمینی ٹرسٹ علامہ سید افتخار حسین نقوی کی کوششوں سے صلح کی تقریب منعقد ہوئی۔

اس موقع پر علامہ سید افتخار حسین نقوی کا کہنا تھا کہ میں شکر گزار ہوں شہداء کے وارثوں کا جنہوں نے مجھے صلح کے لیے اختیار دیا۔ انہوں نے کہا کہ اسی طرح صلح اور امن کا ماحول برقرار رہنا چاہیے۔

یہ بھی پڑھئیے؛ لاہور سے خطرناک دہشتگرد سمیت پنجاب بھر سے کالعدم لشکر جھنگوی کے 10تکفیری گرفتار

واضح رہے کہ فریقین کے درمیان صلح میں جمیعت علمائے اسلام فضل الرحمان کی مقامی قیادت، سید انتصار حسین نقوی، مقامی رہنما حاجی جاوید اور پیر شاہد گیلانی سمیت سیاسی و مذہبی شخصیات نے اہم کردار ادا کیا۔

تقریب میں شہید عقیل عباس اور شہید برکت علی کے لواحقین کے علاوہ کالا باغ اور میانوالی کے عوامی حلقوں، صحافیوں، گدی نشینوں، سابق وزیر آبپاشی امانت اللہ خان شادی خیل، رکن قومی اسمبلی احسن جمال خٹک، نیازی ٹرانسپورٹ کے مالک بجاش خان نیازی، نواب آف کالا باغ سمیت بڑی تعداد میں معززین نے شرکت کی۔

شہدا کے والد نے گفتگو کرتے ہوئے کہا کہ امام حسین علیہ السلام کی خاطر اپنے بیٹوں کا خون معاف کرتے ہیں، اب ہم بھائی بھائی ہین۔

متعلقہ مضامین

Back to top button