صعدہ پر سعودی جارحیت جاری، دو یمنی شہری شہید

شیعیت نیوز : یمن کے صوبے صعدہ کے سرحدی ضلع شدا میں سعودی رجیم کی فائرنگ سے دو شہری شہید اور دو زخمی ہوگئے ہیں۔ مقامی ذرائع کے مطابق اتوار کو پیش آنے والے واقعے کے زخمیوں کو ضلعی مرکز کے طبی مرکز میں علاج کے لیے منتقل کیا گیا۔

مقامی ذریعے نے شہریوں، شہری املاک اور خدماتی تنصیبات کو مسلسل نشانہ بنانے کی مذمت کی۔ اس نے یمنی عوام کے خلاف سعودی جارحیت اور اس پر بین الاقوامی خاموشی کو قابلِ اعتراض قرار دیا۔

یہ بھی پڑھیں : صنعاء: رہائشی مکانات پر امریکی پراکسی سعودی رجیم کی بمباری، 22 شہری شہید

الحدیدہ کے اضلاع الدریہمی اور الزہرہ میں بھی آل سعود کے جنگی طیاروں نے دو کھیتوں پر تین حملے کیے۔ مقامی تفصیلات کے مطابق الدریہمی کے علاقے المنقم میں ایک حملے سے کھیت کا شمسی توانائی کا نظام تباہ ہوا، جبکہ الزہرہ کے علاقے الخشم میں ایک اور کھیت کو دو مرتبہ نشانہ بنایا گیا۔

صوبہ حجہ کے ضلع عبس میں الجر کے علاقے کے کھیتوں پر بھی سعودی رجیم نے دو فضائی حملے کیے۔ الحدیدہ اور حجہ کے زرعی علاقوں پر ان حملوں کی ابتدائی اطلاعات میں جانی نقصان کے اعداد فراہم نہیں کیے گئے۔