اہم ترین خبریںپاکستانپاکستان کی اہم خبریں

اگر سیاستدان اور عوام الگ تھلگ ہو جائیں تو پاکستان نہیں چل سکتا، سینیٹر علامہ راجہ ناصر عباس

علامہ راجہ ناصر عباس جعفری کی پریس کانفرنس: پاکستان میں آئین کی بحالی کی جدوجہد کی اہمیت

شیعیت نیوز: معروف سیاستدان مصطفیٰ نواز کھوکھر کی رہائش گاہ پر پریس کانفرنس کرتے ہوئے چیئرمین مجلس وحدت مسلمین پاکستان سینیٹر علامہ راجہ ناصر عباس جعفری نے کہا کہ پاکستان سیاست دانوں نے عوام کے ساتھ مل کر بنایا تھا۔

انہوں نے کہا کہ اگر سیاستدان اور عوام irrelevant ہو جائیں تو پاکستان نہیں چل سکتا۔ پاکستان پہلے ٹوٹا ہے اب باقی ماندہ پاکستان بھی تباہی و بربادی کا شکار ہے۔

ضروری ہے کہ پاکستان کے سیاستدان اور عوام جو موجودہ سسٹم سے الگ تھلگ کھڑے ہیں اور اس سسٹم پر بالکل اعتماد نہیں کرتے اور مایوس و نا امید بھی ہیں۔

یہ جو سسٹم بنا ہوا ہے کہ جس کے ساتھ عوام ناں ہوں اور جو اپنی نیشنل پاور کو کھو چکا ہو اور کمزور ہو جائے تو جو بحران کھڑا کر رہا ہے وہ خود اسکا بوجھ نہیں اٹھا سکتا۔

ضرورت ہے کہ پاکستان میں سیاسی سسٹم آئین و قانون کے مطابق وجود میں آئے جس پر پاکستان کے عوام اعتماد کریں اور جسے انسٹال کرنے کے لیے فری اینڈ فئیر الیکشن ہونے چاہیے۔

یہ بھی پڑھیں: علامہ ساجد نقوی سے جامعہ شہید عارف الحسینی کے وفد کی ملاقات

عوام کی منتخب شدہ حکومت ہو جو عوام اور پارلیمنٹ کو جوابدہ ہو، ایسی مضبوط پارلیمنٹ وجود میں آنی چاہیے، نہ کہ اشاروں پر چلنے والی پارلیمنٹ جو طاقتوروں کے آگے جھکی ہوئی ہو اور عوام کے حقوق کے ساتھ اس کا کوئی تعلق ہی نہ ہو۔

لہذا ضروری ہے کہ تحریک تحفظ آئین پاکستان کا جو پلیٹ فارم ہے اس پر سب کو متحد کیا جائے۔

مصطفیٰ نواز کھوکھر صاحب اور ہماری ایک سوچ ہے، ہم سب کے پاس جا رہے ہیں اور ہم سب کا اس بات پر اتفاق ہے کہ اب جو جدوجہد ہو وہ محض اقتدار کے حصول کے لیے نہ ہو۔

عمران خان کی شخصیت اس وقت صدارت و وزارت عظمیٰ کے منصبوں سے بالاتر ہے۔

اس وقت ساری جدوجہد قانون کی بالادستی کے لیے ہے، اقتدار برائے حصول اقتدار نہ ہو، آئین کی بحالی کے لیے ہو۔

متعلقہ مضامین

Back to top button