سی ٹی ڈی کی کامیاب کارروائیاں: پنجاب میں لشکر جھنگوی کے 23 دہشت گرد گرفتار
کالعدم تنظیموں لشکر جھنگوی اور سپاہ صحابہ کے دہشت گرد منصوبے ناکام، لاہور سے خطرناک مواد برآمد
شیعیت نیوز: سی ٹی ڈی کی جانب سے پنجاب بھر میں انسداد دہشت گردی کی کارروائیاں جاری ہیں۔ انٹیلی جنس بیسڈ آپریشن کے دوران 23 تکفیری وہابی دہشت گردوں کو گرفتار کر لیا گیا ہے۔
ترجمان سی ٹی ڈی کے مطابق کارروائی لاہور، جہلم، سیالکوٹ، راولپنڈی، گجرات، سرگودھا، اور فیصل آباد میں کی گئی۔ لاہور سے فتنہ الخوارج کے 7 خطرناک دہشت گرد اسلحہ و بارودی مواد سمیت گرفتار کیے گئے ہیں۔ گرفتار دہشت گردوں کا تعلق کالعدم تنظیموں لشکر جھنگوی اور سپاہ صحابہ سے بتایا گیا ہے۔
یہ بھی پڑھیں: ضلع کرم میں بنکرز کے خاتمے کا آغاز، خوراک اور بنیادی ضروریات کا بحران برقرار
دہشت گردوں سے لاہور کے اہم تعلیمی ادارے کے نقشے برآمد ہوئے ہیں۔ ان سے آئی ای ڈی بم، ڈیٹونیٹر، حفاظتی فیوز تار، اور نقدی بھی برآمد کی گئی ہے۔
گرفتار دہشت گردوں میں عبدالرزاق، محمد اسماعیل، وجاہت علی، یوسف رضا، نسیم اللہ، نذراللہ، ابوبکر، طارق، نسیم زمان، اور شاہد نواز شامل ہیں۔
سی ٹی ڈی کے ترجمان کا کہنا ہے کہ یہ دہشت گرد مختلف مقامات پر کارروائی کرکے خوف و ہراس پھیلانا چاہتے تھے۔ رواں ہفتے میں 9471 کومبنگ آپریشنز کے دوران 1033 مشتبہ افراد کو گرفتار کیا گیا، اور 21 ہزار 708 افراد سے پوچھ گچھ کی گئی۔
