اقوام متحدہ کی رپورٹر کا نیتن یاہو کی ممکنہ گرفتاری پر زور
بین الاقوامی عدالت کے فیصلے کے باوجود پولینڈ کا نیتن یاہو کی گرفتاری سے انکار
شیعیت نیوز: رائٹرز کی رپورٹ کے مطابق، اقوام متحدہ کی رپورٹر فرانچسکا آلبانیزہ نے پولینڈ کی حکومت پر زور دیا ہے کہ اسرائیلی وزیراعظم نیتن یاہو کے دورۂ پولینڈ کی صورت میں انہیں گرفتار کرنے میں کوئی ہچکچاہٹ نہ دکھائیں۔
فرانچسکا آلبانیزہ نے کہا کہ بین الاقوامی فوجداری عدالت کے رکن ممالک پر لازم ہے کہ وہ ان افراد کو گرفتار کریں جن کے خلاف عدالت نے وارنٹ گرفتاری جاری کیے ہیں۔
یہ بھی پڑھیں: لاس اینجلس میں بھڑکی آگ پر ایرانی نائب صدر کا خوبصورت پیغام
واضح رہے کہ بین الاقوامی فوجداری عدالت نے تقریباً 50 دن قبل صیہونی وزیراعظم نیتن یاہو اور اسرائیلی حکومت کے سابق وزیر جنگ گیلنٹ کے خلاف جنگی جرائم کے ارتکاب پر وارنٹ گرفتاری جاری کیے تھے۔
نیتن یاہو، جو پولش نژاد ہیں، 16 دن بعد آشویٹس کے ایک پروگرام میں شرکت کے لیے پولینڈ کا سفر کرنے کا ارادہ رکھتے ہیں۔
تاہم پولینڈ کے وزیر اعظم نے واضح کیا ہے کہ وہ بین الاقوامی فوجداری عدالت کے فیصلے پر عمل درآمد نہیں کریں گے اور نیتن یاہو کو اپنے ملک میں گرفتار کرنے کا ارادہ نہیں رکھتے۔
