مزاحمت ہی امت مسلمہ کی بقا کا راستہ ہے، علامہ راجہ ناصر عباس جعفری

شیعیت نیوز: ایرانی سفارت خانے میں فلسطینی شہداء کے اعزاز میں ایک پُراثر تقریب منعقد ہوئی، جس میں مجلس وحدت المسلمین کے سربراہ سینیٹر علامہ راجہ ناصر عباس جعفری نے خطاب کیا۔ تقریب میں مسئلہ فلسطین، صہیونی مظالم، اور امت مسلمہ کی بقا کے لیے مزاحمت کی اہمیت پر روشنی ڈالی گئی۔

علامہ راجہ ناصر عباس جعفری نے اپنے خطاب میں قرآن مجید کی روشنی میں یہود و نصاریٰ کی دشمنی اور ان کی چالاکیوں پر روشنی ڈالی۔ انہوں نے کہا، "قرآن ہمیں بتاتا ہے کہ یہود و نصاریٰ مسلمانوں کے کبھی دوست نہیں ہو سکتے۔ ان کے عزائم صرف مسلمانوں کی شناخت کو ختم کرنے تک محدود نہیں بلکہ یہ پوری دنیا کی تباہی چاہتے ہیں۔”

انہوں نے فلسطینی عوام کے خلاف اسرائیلی مظالم کی مذمت کرتے ہوئے کہا کہ مزاحمت ہی صہیونی جارحیت کو روکنے کا واحد راستہ ہے۔ علامہ جعفری نے امام خمینیؒ کے فلسفہ مقاومت کو خراج تحسین پیش کرتے ہوئے کہا کہ ان کے نظریات نے دنیا بھر کے مظلوموں کو ظلم کے خلاف کھڑا ہونے کا حوصلہ دیا۔

یہ بھی پڑھیں: سندھ حکومت نے تکفیری جماعت کی خوشنودی کیلئے گھناؤنا حرکت کی, آغا راحت حسین

علامہ راجہ ناصر عباس نے شہید قاسم سلیمانی، یحیی السنوار، سید حسن نصراللہ، اور اسماعیل ہنیہ جیسے رہنماؤں کی قربانیوں کو خراج تحسین پیش کیا۔ انہوں نے کہا، "یہ عظیم رہنما ہمارے لیے مشعل راہ ہیں۔ انہوں نے اپنے خون کا نذرانہ پیش کیا لیکن ظلم کے سامنے جھکنے سے انکار کیا۔”

تقریب کے اختتام پر شہداء فلسطین کے لیے خصوصی دعا کی گئی اور اس عزم کا اعادہ کیا گیا کہ مزاحمت کا سفر جاری رہے گا اور ایک دن حق کا غلبہ ہوگا۔