پاراچنار مسئلے پر حکومت خاموش پرائیویٹ ادارے میدان میں، اسکائی ونگز نے ائیرایمبولنس دینے کا اعلان کردیا

شیعیت نیوز : اسکائی ونگز ایوی ایشن نے پاراچنار کے لئے ایئر ایمبولینس سروس چلانے کا اعلان کردیا۔

سی ای او اسکائی ونگز ایوی ایشن عمران اسلم خان نے کہا کہ اسکائی ونگز ایوی ایشن نے پاراچنار کے لیے فوری طور ایئر ایمبولینس سروس چلانے کا فیصلہ کیا، ایئر ایمبولینس سروس کے لئے 2 طیارے فوری پاراچنار بھیجنے کا فیصلہ کیا ہے۔

عمران اسلم خان نے کہا کہ سول ایوی ایشن فوری طور پر پاراچنار کے لئے ایئر ایمبولینس سروس کے فلائٹ آپریشن کی اجازت دے۔

پاراچنار کے فضائی آپریشن کے لیے ڈائمنڈ ڈی اے 40 طیارہ اور دوسرا جدید پائپر سینیکا طیارہ مختص کیا ہے۔

پاراچنار کے عوام کے لیے اسکائی ونگز ایوی ایشن ہر وقت تیار ہے۔

یہ بھی پڑھیں : منفی 7 ڈگری کی سردی، کوئٹہ کے مومنین مظلومین پاراچنار کے حق میں تیسرے روز بھی سڑکوں پر

جدید پائپر سینیکا طیارہ پنجاب کی رسیکیو 1122 سروس کی ایئر ایمبولینس سروس کے لیے درآمد کیا تھا۔

سی ای او اسکائی ونگز ایوی ایشن نے کہا کہ طیارہ کی سی اے اے انسپکشن کر رہا ہے۔

سی اے اے طیارے کو فوری طور پاراچنار کے لیے ایئر ایمبولینس سروس آپریشن کے لئے جلد ریلیز کرے۔

پاراچنار کے لیے ایدھی فاونڈیشن کی خدمات کو سراہتے ہیں۔

عمران اسلم خان نے کہا کہ اسکائی ونگز ایوی ایشن پاراچنار کے لیے حکومتی ہدایات تک اپنا فضائی آپریشن جاری رکھے گا۔