کرم فسادات میں شیعہ سنی کا کوئی کردار نہیں، تیسری قوت ملوث ہے: علامہ احمد اقبال رضوی
78 دنوں سے محصور پاراچنار کے عوام، حکومتی بے حسی اور ریاستی ناانصافی پر سخت احتجاج

شیعیت نیوز: مجلس وحدت مسلمین پاکستان کے وائس چیئرمین علامہ احمد اقبال رضوی، علامہ حسن رضا ہمدانی، غلام حیدر سلمانی، سید اسد عباس نقوی، علامہ امتیاز کاظمی، علامہ سید جواد الموسوی، مولانا محمد یوسف صابری سمیت دیگر رہنماؤں نے لاہور پریس کلب کے سامنے احتجاجی دھرنے میں پریس کانفرنس سے خطاب کرتے ہوئے کہا کہ پاراچنار بین الاقوامی سازشوں کا شکار ہے، کئی دہائیوں سے ایک سازش کے تحت ضلع کرم کے مظلوم عوام کا قتل کیا جا رہا ہے، اور بدقسمتی سے اس کے مجرم خیبر پختونخوا حکومت، وفاقی حکومت اور ریاستی ادارے ہیں۔
انہوں نے کہا کہ اب سے دو تین ہفتے قبل خیبر پختونخوا پولیس اور ریاستی اداروں کی موجودگی میں 100 افراد سے زیادہ بے گناہ کرم کے باسیوں کو بے دردی سے شہید کر دیا گیا، جن میں خواتین، جوان اور چھ ماہ کے بچے شامل تھے۔ یہ سانحہ ریاستی اداروں کی موجودگی میں سرانجام پایا، جو یہ بات سوچنے پر مجبور کرتا ہے کہ قاتلوں اور ریاستی اداروں کا گٹھ جوڑ ہے۔
انہوں نے مزید کہا کہ اس کے بعد کچھ شرپسند عناصر نے پاراچنار کے دو مزدوروں کو قتل کر دیا۔ ان کے قتل کرنے، ان کے گلے کاٹنے اور ان کے لاشوں سے کھیلنے کی ویڈیو جاری کی گئی، جس میں قاتلوں کے چہرے صاف نظر آ رہے ہیں، لیکن اس کے باوجود نہ خیبر پختونخوا حکومت نے کوئی ایکشن لیا اور نہ ہی ریاستی اداروں نے انہیں گرفتار کیا۔ وارثانِ شہداء پاراچنار میں شہداء کے لاشوں کے ساتھ دھرنا دیئے بیٹھے ہیں۔
یہ بھی پڑھیں: محب وطن پارہ چنار کے مظلوم شیعہ محاصرے میں، لشکر جھنگوی اور سپاہ صحابہ جیسے ملک دشمن دہشتگرد آزاد
علامہ احمد اقبال رضوی نے کہا کہ قائد وحدت چیئرمین مجلس وحدت مسلمین پاکستان علامہ راجہ ناصر عباس جعفری نے پہلے مرحلے پر پورے ملک میں تمام ڈویژنل ہیڈکوارٹرز پر دھرنوں کا اعلان کیا ہے۔ اس وقت اسلام آباد، کراچی، لاہور، ملتان، کوئٹہ، سکردو، گلگت، ڈی جی خان اور جھنگ میں دھرنوں کا آغاز ہو چکا ہے، اور ملتان کا دھرنا اسی سلسلے کا حصہ ہے۔
انہوں نے خیبر پختونخوا حکومت، وفاقی حکومت، اور ریاستی اداروں کی پاراچنار میں قتل عام پر بے حسی کی شدید مذمت کی۔ انہوں نے کہا کہ پاراچنار کے راستے 78 دنوں سے بند ہیں، سات لاکھ افراد محصور ہو چکے ہیں۔ نہ ان کے پاس غذائی اجناس ہیں، نہ بیماروں کے لئے ادویات، نہ زخمیوں کے لئے سہولیات۔ پورے پاراچنار میں پیناڈول جیسی گولی بھی دستیاب نہیں۔
علامہ احمد اقبال رضوی نے خیبر پختونخوا حکومت کے مشیر اطلاعات بیریسٹر سیف کی میڈیا پر جھوٹ بولنے اور مظلوم عوام کے زخموں پر نمک پاشی کی سخت مذمت کی اور اس کی برطرفی کا مطالبہ کیا۔ انہوں نے کہا کہ پاراچنار کے راستے غیر مشروط طور پر کھولے جائیں اور ذمہ دار افراد کے خلاف کارروائی کی جائے۔