تکفیریوں کی بد امنی کے باعث پارہ چنار کی مسیحی برادری کی عید کی خوشیاں پھیکی پڑ گئیں

شیعیت نیوز؛ پاراچنار میں بدامنی کے باعث مسیحی برادری کو بھی متاثر کیا ہے۔

پچھلے 66 دنوں سے پاراچنار ٹل مین روڈ کی بندش سے مسیحی برادری بھی مشکلات کے زد میں ہے۔

 مسیحی برادری کا کہنا ہے شہر میں اشیائے ضروریات ختم ہونے کی وجہ سے ہمیں بے شمار مسائل کا سامنا ہے، شہر میں اشیائے خوردونوش نہیں مل رہی، ہم کہاں جائیں؟

مسیحی برادری کا کہنا ہے کہ دسمبر ہماری خوشیوں کا مہینہ ہے جس کیلئے ہم پورا سال انتظار کرتے ہیں، رواں سال ہماری خوشیوں پر پانی پھر گیا۔

اقلیتی متاثرین کا کہنا ہے کہ ہمارے بچے اور فیملی متاثر ہو رہے ہیں۔

حکومت روڈ کو جلد از جلد کھول دے تاکہ ہماری مشکلات حل ہو جائیں۔

سامان کی عدم دستیابی کے باعث ہم اس دفعہ کرسمس نہیں منا پائیں گے۔