اسرائیلی جرائم پر قابو پانے کے لیے مؤثر اور منصفانہ عدالتی نظام ضروری ہے، ایران
بین الاقوامی عدالت انصاف کے وارنٹ گرفتاری پر فوری عملدرآمد پر زور
شیعیت نیوز: مہر خبررساں ایجنسی کی رپورٹ کے مطابق، ایران کے نائب وزیر خارجہ کاظم غریب آبادی نے اسرائیلی حکام کے جرائم کی روک تھام کے لیے مؤثر اور منصفانہ بین الاقوامی میکانزم کی کمی پر تشویش کا اظہار کیا۔
انہوں نے بین الاقوامی فوجداری عدالت کے حالیہ فیصلوں کی اہمیت پر زور دیتے ہوئے اسرائیلی حکام کے مواخذے کی راہ میں حائل رکاوٹوں اور قانونی چیلنجوں پر تشویش ظاہر کی۔
یہ بھی پڑھیں: امریکی وزیر خارجہ نیا فتنہ کھڑا کرنے غیر اعلانیہ عراق پہنچ گیا
انہوں نے کہا کہ ہمیں صہیونی رجیم کے جرائم پیشہ حکام کے مواخذے کے لیے ایک منصفانہ ٹریبونل کی ضرورت ہے۔
غریب آبادی نے بین الاقوامی عدالت انصاف کی جانب سے اسرائیلی حکام کے وارنٹ گرفتاری کو ایک تاخیری اقدام قرار دیتے ہوئے اس پر فوری عملدرآمد کے لیے قانونی اقدامات کی ضرورت پر زور دیا۔
انہوں نے مزید کہا کہ عدالت انصاف کے نفاذ کا طریقہ کار غیر مؤثر ہے، جس میں صیہونی مجرموں کو انصاف کے کٹہرے میں کھڑا کرنے کی کوئی ضمانت موجود نہیں ہے، خاص طور پر اگر وہ عدالت انصاف کے رکن ممالک کے سفر سے گریز کریں۔
انہوں نے صیہونی حکام کی گرفتاری کے حکم کو ناکافی قرار دیتے ہوئے مؤثر مواخذے کا مطالبہ کیا اور اس سلسلے میں شفاف بین الاقوامی میکانزم کی کمی پر شدید تشویش کا اظہار کیا۔
