غزہ جنگ کے باعث صہیونی فوجیوں میں ذہنی بیماریوں اور منشیات کے استعمال میں اضافہ

شیعیت نیوز : شہاب نیوز کے حوالے سے کہا گیا ہے کہ غزہ میں گذشتہ 15 مہینوں سے جاری جنگ کی وجہ سے صہیونی فوجی کئی طرح کی نفسیاتی اور ذہنی بیماریوں کا شکار ہو رہے ہیں۔

صہیونی ویب سائٹ "واللا” نے انکشاف کیا ہے کہ غزہ جنگ کی وجہ سے صہیونی فوجیوں کے درمیان منشیات اور الکحل کے استعمال کی شرح کئی گنا بڑھ گئی ہے۔

یہ بھی پڑھیں : امریکہ اور اتحادیوں کی حمایت نے صیہونی رجیم کو مزید سفاک بنایا، آیت اللہ احمد جنتی

واللا نے مزید کہا کہ اطلاعات کے مطابق اسرائیل فوج کے 18 سے 26 سال کے جوانوں کے بارے میں موصولہ اطلاعات کے مطابق ہر تین میں سے ایک جوان منشیات کی عادت میں مبتلا ہوگیا ہے۔

ذرائع نے مزید کہا کہ خوف اور افسردگی کا شکار ہونے والے صہیونی فوجی جوانوں کی تعداد میں 2019 کے بعد 30 فیصد اضافہ ہوا ہے۔