حماہ میں شامی فوج کا دہشت گردوں کے خلاف آپریشن، 300 ہلاکتیں

شیعیت نیوز: شامی نیوز ایجنسی کے حوالے سے کہا گیا ہے کہ صوبہ حماہ کے شمالی حصے میں شامی فوج تکفیری دہشت گردوں کے خلاف بھرپور آپریشن کر رہی ہے۔

ذرائع کے مطابق، شامی فوج کے حملوں میں تحریر الشام کے ٹھکانوں اور کمین گاہوں کو نشانہ بنایا گیا ہے۔ آپریشن کے دوران روسی فضائیہ بھی شامی فوج کی مدد کر رہی ہے، جس سے حملے مزید موثر ہو رہے ہیں۔

المیادین کے نامہ نگار کے مطابق، حماہ کے نواحی علاقوں میں شامی فوجی دستوں اور تحریر الشام کے دہشت گردوں کے درمیان گھمسان کی جنگ جاری ہے۔ ان جھڑپوں کے دوران دہشت گرد تنظیم کے کم از کم 300 اہلکار ہلاک ہو چکے ہیں۔

یہ بھی پڑھیں: حسینیہ امام خمینیؒ میں حضرت فاطمہ زہراؑ کی شام غریباں کی مجلس: رہبر معظم کی شرکت

شامی اور روسی فضائیہ نے ادلب میں بھی دہشت گردوں کے ٹھکانوں پر فضائی حملے کیے ہیں جن میں دہشت گردوں کو شدید نقصان پہنچا ہے۔

دہشت گردوں کے خلاف جنگ کے ساتھ ساتھ شامی صدر بشار الاسد نے فوجی اہلکاروں کی تنخواہوں میں 50 فیصد اضافے کا حکم بھی جاری کیا ہے، جس سے فوجیوں کی حوصلہ افزائی کی جا رہی ہے۔