حسینیہ امام خمینیؒ میں حضرت فاطمہ زہراؑ کی شام غریباں کی مجلس: رہبر معظم کی شرکت
رہبر انقلاب کی موجودگی، معروف خطیب کا خطاب، اور نوحہ خوانی
شیعیت نیوز: حسینیہ امام خمینیؒ میں رہبر معظم انقلاب اسلامی حضرت آیت اللہ العظمی سید علی خامنہ ای کی موجودگی میں حضرت فاطمہ زہرا سلام اللہ علیھا کی شام غریباں کی مجلس عزا منعقد ہوئی۔ اس مجلس میں ایرانی ڈاکٹر پزشکیان، چیف جسٹس محسن اژه ای، اور دیگر اعلی حکام سمیت عوام کے مختلف طبقات سے تعلق رکھنے والے ہزاروں افراد نے شرکت کی۔
مجلس عزا سے خطاب کرتے ہوئے ایرانی معروف خطیب حجۃ الاسلام و المسلمین استاد عالی نے حضرت فاطمہ زہرا سلام اللہ علیھا سے منقول ایک روایت بیان کی۔ انہوں نے اپنے خطاب میں معاشرے میں امام اور ولی خدا کے کردار اور امام کے دفاع کے سلسلے میں عوام کے فرائض پر روشنی ڈالی۔
یہ بھی پڑھیں: صیہونی جارحیت کا مقابلہ مقاومت نے ثابت قدمی سے کیا، شیخ نعیم قاسم
تفصیلات کے مطابق، معروف نوحہ خواں مجید بنی فاطمی نے مرثیہ و نوحہ خوانی کی اور سامعین کے دلوں کو غم سے بھر دیا۔ مجلس کے دوران عقیدت مندوں نے اپنے جذبات کا اظہار کیا اور شہزادی کونین حضرت فاطمہ زہراؑ کو خراج عقیدت پیش کیا۔
