ایران کے خلاف اسرائیلی جارحیت: اقوام متحدہ کی سلامتی کونسل کا ہنگامی اجلاس
"ایران کے وزیر خارجہ کا اسرائیل کی جارحیت پر عالمی برادری کو فیصلہ کن اقدام پر زور"

شیعیت نیوز: ایران کے خلاف اسرائیلی جارحیت پر اقوام متحدہ کی سلامتی کونسل کا اجلاس پیر کو ہوگا۔ ایران کے وزیر خارجہ عباس عراقچی نے ہفتے کے روز اقوام متحدہ کے سیکرٹری جنرل اور سلامتی کونسل کے سربراہ کو لکھے گئے خطوط میں عالمی ادارے پر زور دیا کہ وہ اسرائیلی جارحیت کے نتائج پر غور کرتے ہوئے فیصلہ کن موقف اختیار کرے اور اس رژیم کے اقدامات کی مذمت کرے۔
انہوں نے عالمی برادری کو خبردار کیا ہے کہ اس طرح کی صریح خلاف ورزیوں اور جارحانہ کارروائیوں کا بھرپور جواب دیا جائے گا۔
یہ بھی پڑھیں: اسلامی تعاون تنظیم او آئی سی کی ایران کے خلاف صیہونی حملے کی مذمت
ایران نے اقوام متحدہ کی 15 رکنی سلامتی کونسل سے مطالبہ کیا ہے کہ وہ ایران پر صیہونی حکومت کے حملوں کی مذمت کرے۔
ایران کی فضائیہ نے ہفتے کے روز ایک بیان میں کہا ہے کہ ملک کے خلاف اسرائیلی جارحیت کا کامیابی سے مقابلہ کیا گیا، تاہم بعض جگہوں میں محدود نقصان ہوا ہے، جس کا جائزہ لیا جا رہا ہے۔