ایران نے طاقت کے ساتھ جارح حکومت کا سامنا کیا، اہلسنت عالم دین

شیعیت نیوز : ایران کے اہل سنت عالم دین مولوی مختار فراجی نے کہا کہ قرآن مجید میں خدا فرماتا ہے: ہم نے مومنین کے لیے امن و سکون جب کہ دشمنوں پر دہشت و خوف نازل کیا ہے۔

جو لوگ ایمان رکھتے ہیں وہ پرسکون ہیں جب کہ آپریشن وعدہ صادق 2 سے خوفزدہ صیہونی مزید شکست کی ذلت و رسوائی سے دوچار ہیں۔

کل رات تہران، خوزستان اور ایلام میں کئی مقامات پر غاصب دشمن نے حملے کیے، لیکن جب ہم نے اسرائیل کے آبزرویشن روم کی تصاویر دیکھی اور ان کا موازنہ اسلامی جمہوریہ کی کارروائیوں سے کیا تو نہایت زیادہ مضحکہ خیز صورت حال کا مشاہدہ کیا۔

آئیے آپریشن وعدہ صادق 2 کے کمانڈروں کا موازنہ گیلنٹ اور نیتن یاہو سے کریں کہ ایران کے کمانڈ روم کا مسکراتا چہرہ اور اسرائیلی کمانڈروں کا خوف زدہ چہرہ واضح بتارہا ہے کہ دشمن وحشت کے مارے مضحکہ خیزحد تک ہچکچاہٹ کا شکار ہے۔

یہ بھی پڑھیں : اسرائیلی حملہ ناکام، ایران میں زندگی معمول کے مطابق جاری

اسرائیل کے کل رات کے تمام حملے اپنے اہداف حاصل نہیں کر سکے جب کہ اس سے پہلے ایک ہنگامہ برپا تھا کہ اسرائیلی حملے تباہ کن ہوں گے لیکن جتنی طاقت کا انہوں نے دعویٰ کیا تھا وہ عملا گیدڑ بھبکی ثابت ہوئی۔

ایران نے طاقت کے ساتھ جارح حکومت کا سامنا کیا۔

اسرائیل در حقیقت امریکی بارود کا ایک ڈھیر بلکہ خطے میں دوسرا امریکہ ہے جسے تمام شیطانی طاقتوں کی ہمہ گیر حمایت حاصل ہے۔

مزاحمت در اصل عباد الرحمن کا محاذ ہے۔

فتح کی امید سے سرشار ہو کر خدا کی زمین میں پورے اطمینان کے ساتھ آگے بڑھ رہے ہیں اور ان شاء اللہ اس محاذ کی فتح اور کامیابی یقینی ہے۔

فلسطین اس جنگ میں یقینی فاتح ہے جب کہ استکبار کا رسواکن انجام حتمی ہے۔