محمد باقر قالیباف خود جہاز اڑا کر بیروت پہنچ گئے، لبنان کے عوام کے لیے رہبر معظم کا اہم پیغام
لبنان و فلسطین کی مزاحمت کا پیغام جنیوا میں دنیا تک پہنچانے کا عزم
شیعیت نیوز: ایران کی پارلیمنٹ کے اسپیکر محمد باقر قالیباف نے بیروت کے دورے کے بعد سوشل پلیٹ فارم ایکس پر ایک پیغام شائع کرتے ہوئے لکھا کہ جنیوا کے دورے اور پارلیمنٹ کے اسپیکرز کی بین الاقوامی کانفرنس میں شرکت سے قبل بیروت آیا ہوں تاکہ رہبر انقلاب اسلامی اور ایران کے عوام کا پیغام لبنان کے عوام کو پہنچاؤں اور اسی طرح لبنان و فلسطین کے عوام کی مظلومیت اور مزاحمت کا پیغام دنیا تک پہنچا سکوں۔
بیروت پہنچنے پر ایرانی پارلیمنٹ کے اسپیکر نے کہا کہ ہم نے ہمیشہ لبنان کے عوام، حکومت، اور مقاومت کا ساتھ دیا ہے اور آئندہ بھی ہر مشکل حالات میں ان کے ساتھ رہیں گے۔
انہوں نے کہا کہ آج شام میں اقوام متحدہ کی بین الاقوامی کانفرنس میں شرکت کے لیے جنیوا جا رہا ہوں، اور ہم ہمیشہ لبنان کے عوام، حکومت، اور مزاحمت کے ساتھ ہیں اور مشکل حالات میں پہلے کی طرح ان کے ساتھ رہیں گے۔
یہ بھی پڑھیں: لبنان کے عوام کو رہبر معظم انقلاب کا پیغام پہنچانے آیا ہوں، ڈاکٹر قالیباف
ایرانی پارلیمنٹ کے اسپیکر نے مزید کہا کہ میں غزہ اور لبنان کے عوام کی مظلومیت کا پیغام جنیوا لے کر جاؤں گا تاکہ ہر کوئی مظلوم کی حمایت کے لیے بین الاقوامی پلیٹ فارم پر اپنے فرائض سے آگاہ ہو۔
محمد باقر قالیباف نے تاکید کی کہ ہم سب کو فلسطینی اور لبنانی مظلوم عوام کی حمایت کرنی چاہیے۔
واضح رہے کہ ایرانی پارلیمنٹ کے اسپیکر محمد باقر قالیباف آج خود جہاز اڑا کر لبنان کے مختصر دورے پر بیروت پہنچے اور غاصب صیہونی حکومت کی بیروت کے علاقے ضاحیہ پر جاری جارحیت سے تباہ شدہ عمارتوں کو قریب سے دیکھا۔
