اہم ترین خبریںپاکستان

افغانستان میں شیعہ قوم کے اجتماع پر حملہ انسانیت سوز واقعہ ہے، علامہ علی حسنین

اپنے بیان میں علامہ علی حسنین نے دائی کندی میں زائرین کے استقبال کیلئے جمع اجتماع پر داعش کے حملے کی مذمت کرتے ہوئے کہا کہ بے گناہ انسانوں کو شہید کرنا شیطان اور اسکے پیروکاروں کا پیشہ رہا ہے۔

شیعیت نیوز : مجلس وحدت مسلمین بلوچستان کے صوبائی نائب صدر و امام جمعہ علامہ علی حسنین حسینی نے افغانستان میں زائرین کا استقبال کرنے والے اجتماع پر دہشتگردوں کے حملے کی مذمت کرتے ہوئے اسے انسانیت سوز واقعہ قرار دیا ہے۔

امریکہ کے اشاروں پر چلنے والی دہشتگرد تنظیم داعش مظلوموں کو نشانہ بنا رہی ہے۔

دنیا بھر میں استعماری قوتوں اور ان کے غلاموں کے ہاتھوں مظلوم مسلمانوں کا قتل عام جاری ہے، جو قابل افسوس ہے۔

علامہ علی حسنین نے گزشتہ روز افغانستان کے صوبے دائی کندی میں ہزارہ قوم کے افراد پر داعش کے دہشتگردوں کے حملے کی مذمت کرتے ہوئے کہا کہ بے گناہ انسانوں کو شہید کرنا شیطان اور اس کے پیروکاروں کا پیشہ رہا ہے۔

یہ بھی پڑھیں : افغانستان، زائرین کربلا پر تکفیری تنظیم داعش کا حملہ، 14 شہید

امریکہ کے فنڈز پر پلنے والی نام نہاد تنظیم نے دنیا میں اسلام کا چہرہ خراب کیا ہے۔

ایسے دہشتگردوں کا اسلام سے کوئی بھی تعلق ہرگز نہیں ہو سکتا ہے۔

مسلمانوں کے لئے لازم ہے کہ داعش کی حقیقت کو سمجھے۔

امریکہ کی منشا پر دم ہلانے والی تنظیم نے کبھی اسرائیل کے خلاف کارروائی نہیں کی، ان کا نشانہ ہمیشہ مسلمان ہی رہے ہیں۔

دائی کندی میں زائرین کے استقبال کے لئے جمع ہونے والے نہتے عوام پر حملہ کرکے داعش نے اپنی بزدلی ثابت کی ہے۔

افغانستان میں ہزارہ قوم کے شہداء کے لواحقین سے تعزیت کا اظہار کرتے ہوئے کہا کہ غم کی اس گھڑی میں لواحقین کے ساتھ ہیں۔

متعلقہ مضامین

Back to top button