غزہ میں شہداء کی تعداد 40 ہزار 878 تک پہنچ گٰئ

شیعیت نیوز: غزہ کی وزارت صحت نے اعلان کیا ہے کہ جنگ کے 335 دن گزر چکے ہیں اور اس دوران 40ہزار878 افراد شہید اور 94ہزار454 افراد زخمی ہوئے ہیں۔

اس کے علاوہ 10 ہزار سے زائد افراد عمارتوں کے ملبے تلے دبے ہوئے ہیں اور ریسکیو فورسز شہداء کی لاشوں تک رسائی حاصل نہیں کر پا رہی ہیں۔

وزارت صحت کی رپورٹ کے مطابق گزشتہ 24 گھنٹوں کے دوران 17 فلسطینی شہید اور 56 زخمی ہوئے۔

یہ بھی پڑھیں: غزہ پر صہیونی جارحیت کے خلاف قم میں احتجاجی ریلی

غزہ میں جنگ بتدریج اپنے ایک سال مکمل ہونے کو پہنچ رہی ہے جب کہ قابض صہیونی فوج کے فضائی اور توپ خانے کے حملے جاری ہیں اور بے گھر ہونے والے افراد کے گھر اور کیمپ ان حملوں کا نشانہ بن رہے ہیں۔

تاہم اردنی فوج کے سابق ڈپٹی چیف آف اسٹاف میجر جنرل قاصد محمود کے مطابق غزہ کی مزاحمتی قوتوں کے پاس صہیونیوں کے حملوں سے نمٹنے کی صلاحیت اور وسیع سہولیات اب بھی موجود ہیں۔