پاکستان کا گلف ممالک کے لیے ویزا فری انٹری کا اعلان

شیعیت نیوز : پاکستان کی وفاقی حکومت نے ملک میں سیاحت کے فروغ اور غیر ملکی سرمایہ کاری کے لیے اہم فیصلہ کیا ہے۔ ذرائع کے مطابق گلف کوآپریشن ممالک کے مسافروں کو ویزا فری انٹری دینے کا حکم دے دیا گیا ہے۔ اس حوالے سے تمام ایئرپورٹ کے امیگریشن حکام کو ہدایات جاری کر دی گئی ہیں۔ بحرین، کویت، عمان، قطر کے شہریوں کو ویزا فری انٹری کی سہولت میسر ہوگی۔

یہ بھی پڑھیں : پولیس اہلکاروں کی شہادت المناک سانحہ ہے، سینیٹر علامہ راجہ ناصر عباس

اسی طرح سعودی عرب، یو اے ای کے شہریوں کو بھی ویزا فری انٹری کی سہولت دے دی گئی ہے۔ 6 ممالک کے شہری 90 دنوں تک ویزا فری انٹری پر پاکستان میں رہ سکیں گے جبکہ 120 ممالک کے مسافروں کو ویزا گرانٹ نوٹس کے تحت انٹری دینے کی ہدایات کی گئی ہیں۔ ویزا درخواست، پاسپورٹ کی کاپی کے ساتھ ویزا گرانٹ نوٹس حاصل کر سکیں گے۔ 120 ممالک کے شہری گرانٹ نوٹس کے ذریعے ویزا آن آرائیول حاصل کر سکیں گے۔