حماس کا حزب اللہ کو پیغام: فتح قریب اور خیبر کو دوبارہ فتح کرنے کا وقت آ گیا

فلسطینی مزاحمتی محاذ نے لبنان کی اسلامی مزاحمت کے نام ایک پیغام میں حزب اللہ کے سکریٹری جنرل سید حسن نصر اللہ، اس تحریک کے شہداء، زخمیوں اور ثابت قدم مجاہدوں کو سلام بھیجا ہے۔

حزب اللہ کے مجاہدوں کے نام فلسطینی مزاحمتی محاذ کے پیغام میں کہا گیا ہے: "پیارے بھائیو! آپ لوگ ہمارے بہترین بھائی، مددگار اور مزاحمت کے سچے اور وفادار ساتھی ہیں، دس مہینوں سے زیادہ کا وقت ہو چکا ہے کہ ہم آپ کی جد و جہد و جاں فشانی کا مشاہدہ کر رہے ہیں، آپ کے پاس جو کچھ ہے اس سے دشمن کا مقابلہ کر رہے ہیں اور وہ آپ سے خوف زدہ ہے۔”

فلسطینی مزاحمت نے اپنے پیغام میں مزید کہا ہے: "امت کے لئے اس فیصلہ کن تاریخی دور اور قریبی و دور کے لوگوں کی طرف سے مایوسی کے دوران ہم غزہ کے مرکز سے آپ کے لئے یہ پیغام بھیج رہے ہیں، دشمن غزہ پٹی میں خوف و وحشت سے ادھر ادھر بھاگ رہا ہے اور وہ بھیانک ایام کے خوف سے بے چین ہے۔

یہ بھی پڑھیں : اسرائیل کو تسلیم کرنے کی کوشش میں مجھے قتل کردیا جائے گا،سعودی ولی عہد محمد بن سلمان

پیغام میں کہا گیا ہے کہ "دشمن سے حساب کتاب کی بہت بڑی غلطی ہو گئی ہے اور ہمیں یقین ہے کہ آپ اپنی ذمہ داری کو بخوبی پورا کریں گے۔ آپ کی طاقت اور موثر جہاد اور ایران سے لے کر شام و عراق و یمن تک مزاحمتی محاذ کے ہمارے بھائیوں کی طاقت کا ہم مشاہدہ کریں گے۔ اے بہادر مجاہدوں! اب خیبر کو دوبارہ فتح کرنے اور اسرائیل کو تباہ کرنے کا وقت آ گیا ہے، الاقصی طوفان میں ہمارے ساتھ صبر و شجاعت کے ساتھ شرکت کرنے والے بھائیو! ہم آپ سے کہہ رہے ہیں کہ فتح قریب ہے، اس لئے فتح اور فلسطین کی سرزمین اور اس کے مقدس مقامات کی آزادی تک صبر سے کام لیں۔”