صہیونی آئرن ڈوم میں ایرانی میزائل اور ڈرونز روکنے کی صلاحیت نہیں، امریکی اخبار۔
امریکی اخبار وال اسٹریٹ جرنل نے اپنی ایک رپورٹ میں لکھا ہے کہ اسرائیلی آئرن ڈوم ایرانی جدید ہتھیاروں کا مقابلہ کرنے کی صلاحیت نہیں رکھتے ہیں۔امریکی اخبار وال اسٹریٹ جرنل نے اپنی ایک رپورٹ میں لکھا ہے کہ اسرائیلی آئرن ڈوم ایرانی جدید ہتھیاروں کا مقابلہ کرنے کی صلاحیت نہیں رکھتے ہیں۔
شیعیت نیوز: امریکی اخبار وال اسٹریٹ جرنل نے اپنی رپورٹ میں اسرائیلی دفاعی نظام آئرن ڈوم کو ایرانی جدید ہتھیاروں کے مقابلے میں ناکافی قرار دیا ہے۔ رپورٹ میں بتایا گیا ہے کہ حزب اللہ لبنان کے پاس ہزاروں مارٹر گولے، راکٹ، اور میزائل موجود ہیں جو کسی بھی وقت اسرائیل پر داغے جا سکتے ہیں۔
وال اسٹریٹ جرنل نے ایک سرخی میں سوال اٹھایا ہے: "کیوں اسرائیل کو ایرانی حملوں کا مقابلہ کرنے کے لیے آئرن ڈوم سے بہتر سسٹم کی ضرورت ہے؟” اس سوال کے جواب میں اخبار نے لکھا ہے کہ تل ابیب کو ایران اور اس کے اتحادیوں کے منظم حملے کا انتظار ہے، جو اسرائیلی دفاعی نظام کے لیے ایک بڑی آزمائش ثابت ہو سکتا ہے۔
یہ بھی پڑھیں : ایران اسرائیل ممکنہ جنگ کیلئے مدافعان حرم فورس بھی امریکی اہداف کو نشانہ بنانے کیلئے کمر بستہ
مزید برآں، رپورٹ میں ذکر کیا گیا ہے کہ مقاومتی محاذ کے ڈرون طیارے نچلی سطح پر پرواز کرتے ہوئے صہیونی ریڈار سسٹم کی نظروں سے بچ کر اپنے ہدف کو نشانہ بنا سکتے ہیں، جو اسرائیل کے لیے ایک بڑا چیلنج ہو سکتا ہے۔
