لاہور میں ایم ڈبلیو ایم کا اسرائیل کیخلاف احتجاجی مظاہرہ

شیعیت نیوز: لاہور میں مجلس وحدت مسلمین (ایم ڈبلیو ایم) نے حماس رہنما اسماعیل ہانیہ کی شہادت پر بعد از نماز جمعہ اسلام پورہ میں مسجد صاحب الزمان کے باہر احتجاجی مظاہرہ کیا۔ مظاہرے کی قیادت علامہ احمد اقبال رضوی اور دیگر رہنماؤں نے کی۔

مظاہرے کے دوران شہریوں نے ایم ڈبلیو ایم، فلسطین، اور پاکستان کے پرچم اور بینرز اٹھا رکھے تھے۔ مظاہرین نے اسرائیل کے خلاف شدید نعرے بازی کی اور فلسطین کے مظلوم بھائیوں کے ساتھ اظہار یکجہتی کیا۔

یہ بھی پڑھیں: اسرائیل کا اسماعیل ہنیہ اور ضیف کے بعد ایک اور سینیئر کمانڈر کو قتل کرنے کا دعویٰ

علامہ احمد اقبال رضوی نے مظاہرین سے خطاب کرتے ہوئے کہا کہ اسرائیل نے ایران کے اندر حملہ کرکے دو بڑے جرم کیے ہیں: ایک یہ کہ اس نے ایران کی خودمختاری پر حملہ کیا، اور دوسرا یہ کہ اسماعیل ہانیہ کو شہید کیا، جو وہاں مہمان کے طور پر موجود تھے۔